ខេត្តកំពង់ឆ្នាំង ៖ ជនសង្ស័យ៣នាក់ ត្រូវបាននគរបាលព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្តចាប់ឃាត់ខ្លួនចោទប្រកាន់ពីបទចោរកម្មលួចម៉ាស៊ីនបូមទឹក (ប្រើសាំង) ចំនួន២គ្រឿងកាលពីវេលាម៉ោង៧និង២០នាទីយប់ថ្ងៃទី៦ ឧសភា នៅចំណុចស្រែប្រាំងទួលវិហារ ស្ថិតក្នុងភូមិកោះលត ឃុំកោះថ្កូវ ស្រុកជលគិរី ខណៈដែលម្ចាស់ម៉ាស៊ីនទុកម៉ាស៊ីនចោលនៅខ្ទមស្រែ។
មន្ត្រីនគរបាលព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្តបានឱ្យដឹងថា ជនសង្ស័យទាំង៣នាក់មាន ១-ឈ្មោះពេជ ឆក ភេទប្រុស អាយុ២២ឆ្នាំ ២-ឈ្មោះជា ប្រុស ភេទប្រុស អាយុ៤៧ឆ្នាំ និង៣-ឈ្មោះផុន សុភ័ណ្ឌ ភេទប្រុស អាយុ៣៩ឆ្នាំ ទាំង៣នាក់មានទីលំនៅភូមិកើតហេតុខាងលើ។ អ្នកទាំង៣នាក់នេះខឹងថៅកែបញ្ឈប់ពីការងារ ទើបបបួលគ្នាទៅលួចម៉ាស៊ីនបូមទឹកតែម្តង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ