Webb Simpsonកំពុងស្ថិតនៅលើផ្លូវឆ្ពោះទៅរកពានជើងឯកវាយកូនហ្គោលកម្មវិធី Wells Fargo Championship ដែលមានទឹកប្រាក់រង្វាន់សរុប៦លាននិង៨សែនដុល្លារអាមេរិក ខណៈកាលពីថ្ងៃទី៥ឧសភាកន្លងមក បានយកឈ្នះជុំទី៣ជាមួយនឹងគម្លាតពិន្ទុ១សត់។ កម្មវិធីប្រកួតនេះត្រូវបានរៀបចំធ្វើនៅទីលានវាយកូនហ្គោល Quail Hollow Club ស្ថិតក្នុងទីក្រុង Charlotteរដ្ឋ North Carolinaសហរដ្ឋអាមេរិក ។
Simpsonបញ្ចប់ជុំទី៣ធ្វើបានពិន្ទុ ៣អាន់ឌ័រ៦៩។ សរុបពិន្ទុ៣ជុំប្រកួត គេធ្វើបាន១៤អាន់ឌ័រ ២០២នាំមុខ១សត់លើកីឡាករមិត្តរួមជាតិ Ryan Mooreនិង D.A. Pointsដែលអ្នកទាំង២បញ្ចប់៣ជុំប្រកួតធ្វើបានលទ្ធផលស្មើគ្នា ១៣អាន់ឌ័រ ២០៣ស្ថិតនៅចំណាត់ថ្នាក់លេខ២ស្ទួន។បញ្ចប់ការប្រកួតក្នុងគម្លាត២សត់ពីកីឡាករ Simpsonមានកីឡាករអៀរឡង់ខាងជើងរ៉ូរី ម៉ាកអ៊ីលរ៉យ និងកីឡាករអាមេរិក Nick Watney។ ឆ្លងកាត់៣ជុំប្រកួតកីឡាករទាំង២ធ្វើបានលទ្ធផលសរុប ១២អាន់ឌ័រ ២០៤ស្ថិតក្នុងចំណាត់ថ្នាក់លេខ៤ស្ទួន ។ ឯចំណាត់ថ្នាក់លេខ៦ស្ទួនបានទៅលើកីឡាករអាមេរិក២រូបគឺ Stewart Cinkនិង Rickie Fowler។ ឆ្លងកាត់៣ជុំប្រកួតគេធ្វើបានលទ្ធផលសរុបស្មើគ្នា ១១អាន់ឌ័រ ២០៥នាំមុខ១ស្ត្រូកលើកីឡាករ អូស្រ្តាលី Geoff Ogilvyដែលធ្វើបានលទ្ធផលសរុប ១០អាន់ឌ័រ ២០៦ស្ថិតនៅចំណាត់ថ្នាក់លេខ៨ស្ទួនជាមួយកីឡាករមិត្តរួមជាតិខ្លួន John Sendenនិងកីឡាករអាមេរិក George McNeill។
កីឡាករអង់គ្លេសលី វេសវូដបញ្ចប់ការប្រកួតក្នុងគម្លាតពិន្ទុ ៩សត់ពីកីឡាករ Simpson។ ឆ្លងកាត់៣ជុំប្រកួតគេធ្វើបានពិន្ទុសរុប ៥អាន់ឌ័រ ២១១ស្ថិតនៅចំណាត់ថ្នាក់លេខ៣០ស្ទួនជាមួយកីឡាករអាមេរិក Phil Mickelsonកីឡាករស្កុតលែន Martin Laird។ល។
ដោយឡែកនៅឯទីក្រុង Rio de Janeiroប្រទេសប្រេស៊ីលក្នុងថ្ងៃជាមួយគ្នានោះដែរ កីឡាការិនីបារាំង Karine Icherបាននាំមុខជុំទី១នៃកម្មវិធី HSBC LPGA Brazil Cupដែលមានទឹកប្រាក់រង្វាន់សរុប ៧២ម៉ឺនដុល្លារអាមេ រិក។Icherបាននាំមុខការប្រកួតក្រោយពីធ្វើបានពិន្ទុ៧អាន់ឌ័រប៉ា ៦៦ស្ថិតក្នុងចំណាត់ថ្នាក់លេខ១ស្ទួនជាមួយកីឡាការិនីថៃ Pornanong Phatlum។ នៅលើទីលានវាយកូនហ្គោល Itanhanga អ្នកទាំង២ធ្វើបាន៨បឺឌីនិង១បូជីក្នុងឡូប្រកួតរៀងៗខ្លួន ។ ចំណែកកីឡាការិនីអាមេរិក Katie Futcherបញ្ចប់ការប្រកួតក្នុងគម្លាតពិន្ទុ ១សត់៕
ចែករំលែកព័តមាននេះ