សារព័ត៌មានបរទេស កាលពីថ្ងៃទី៤ ឧសភា ផ្សាយថា ក្រុមហ៊ុនណៃ (NIKE) ជាក្រុមហ៊ុនផលិតឧបករណ៍កីឡាដ៏ធំនៅលើពិភពលោកប្រកាសថា ខ្លួនបានចុះហត្ថលេខាឧបត្ថម្ភឈុតការប្រកួតដល់ក្លឹប Man City ក្នុងក្របខណ្ឌបាល់ទាត់ប្រឺមីញលីកអង់គ្លេស ដោយកីឡាកររបស់ក្លឹប នឹងប្តូរឈុតការប្រកួតពីក្រុមហ៊ុន «អាមប្រូ» ទៅប្រើប្រាស់ឈុតរបស់ក្រុមហ៊ុន NIKEចាប់ពីរដូវកាល២០១៣ដល់២០១៤ តទៅ ។
ឈុតរបស់ «អាមប្រូ» បានចុះហត្ថលេខាជាមួយក្លឹប Man City តាំងពីឆ្នាំ២០០៩ និងបញ្ចប់ក្នុងអំឡុងពេលបិទរដូវកាល២០១២-២០១៣។ Man City នឹងប្តូរទៅប្រើឈុតការប្រកួតទាំងឈុតហាត់សម និងឈុតប្រកួតផ្លូវការ រួមទាំងផលិតផល និងឧបករណ៍ផ្សេងៗក្រោមស្លាកសញ្ញាការផលិត ការចេញម៉ូដ និងការឧបត្ថម្ភរបស់ក្រុមហ៊ុន NIKE រហូតដល់ឆ្នាំ២០១៩ ។
ចំណែក ក្លឹប Neweastle ដែលបើកទ្វារទទួលភ្ញៀវក្លឹប Man City នៅដំណាច់សប្តាហ៍នេះ គឺ មានបង្ហាញឈុតថ្មីរបស់ខ្លួនសម្រាប់ប្រើប្រាស់នៅរដូវកាល២០១២- ២០១៣។ ឈុតនោះជាផ្នែកមួយបានពីការឧបត្ថម្ភរបស់ក្រុម «ពូម៉ា» (Puma) មានពណ៌ឈាមជ្រូក និងឆ្នូតពណ៌ខ្មៅនៅបរិវេណស្មា រួមទាំងខាងជាយអាវ ។ រីឯឈុតរបស់កីឡាករចាំទីមានលក្ខណៈបៃតង និងនៅបរិវេណដើមទ្រូង រួមទាំងជាយ.កមានពណ៌ប្រផេះ ៕
ចែករំលែកព័តមាននេះ