អ្នកវិទ្យាសាស្ត្របានអះអាងថា សមាសធាតុមួយប្រភេទនៅក្នុងស្រាក្រហមអាចជាគន្លឹះមួយនាំឱ្យមានអាយុវែង។
Resveratrol ជាសមាសធាតុមួយដ៏អស្ចារ្យនៅក្នុងស្រាក្រហមដែលអាចទប់ស្កាត់ភាពចាស់ទៅតាមអាយុ និងមានសមត្ថភាព
ប្រឆាំងមហារីក ជំងឺបេះដូងនិងការធាត់ដុះពោះផងដែរ។
តាមអ្នកស្រាវជ្រាវអះអាងថា សមាសធាតុនេះហើយដែលអាចជួយជំរុញការផ្គត់ផ្គង់ថាមពលកោសិកាដល់រាងកាយ ប៉ុន្តែវាអាចធ្វើការដោយប្រសិទ្ធភាពបាននៅពេលមានវត្តមានហ្សែន SIRT1។
ការសិក្សាពីលើមុនៗលើសត្វកណ្តុរបានបង្ហាញថា Resveratrolបានជួយធ្វើឱ្យល្អប្រសើរនូវសុខភាពរបស់កណ្តុរដែលស៊ីចំណីសំបូរដោយខ្លាញ់ និងជួយបង្កើនអាយុកាលមធ្យម តែលទ្ធផលលើកនោះនៅមានអាថ៌កំបាំងនៅឡើយ។
ក្នុងពេលនេះ អ្នកវិទ្យាសាស្ត្រអាមេរិកបាននិយាយថា ខ្លួនដោះស្រាយនូវអាថ៌កំបាំងនោះបានហើយៗថាខ្លួនកំពុងតែឆ្ពោះទៅរកការបង្កើតឱសថដែលមានគុណប្រយោជន៍ស្មើនឹងស្រាក្រហម៨ពាន់ដប។
សាស្ត្រាចារ្យដឹកនាំការស្រាវជ្រាវDavid Sinclairមកពីសាកលវិទ្យាល័យ Harvard Medical Schoolក្រុងបូស្តុនសហរដ្ឋអាមេរិកបាននិយាយថា៖«លទ្ធផលលើកនេះគឺច្បាស់លាស់ស្ទើរមិនគួរឱ្យជឿ។ ដោយគ្មានហ្សែនជំរុញ mitochondria(អ្នកផ្គត់ផ្គង់ថាមពលកោសិកា) SIRT1ទេនោះ សមាសធាតុ resveratrolមិនអាចធ្វើការបានទេ»។
ចំណែកលោក George Vlasukនាយកប្រតិបត្តិក្រុមហ៊ុន biotechសហរដ្ឋអាមេរិក Sirtrisដែលកំពុងព្យាយាមបង្កើតថ្នាំប្រឆាំងនឹងភាពចាស់ទៅតាមអាយុបាននិយាយថា៖«ការរកឃើញនេះពិតជាគាំទ្រយ៉ាងពេញទំហឹងលើសនិទានភាពជាមូលដ្ឋានគ្រឹះដែលកំពុងស្វែងរកនៅក្រុមហ៊ុន Sirtris» ៕
ចែករំលែកព័តមាននេះ