ខេត្តបាត់ដំបង ៖ គ្រូបង្រៀនកុំព្យូទ័រម្នាក់ត្រូវបានប៉ូលិសឃាត់ខ្លួន និងឈានដល់ការឆែកឆេរមជ្ឈមណ្ឌលជំនាញកុំព្យូទ័រ (CEC) នៅវេលាម៉ោងជាង១០ព្រឹកថ្ងៃទី២ ឧសភា ស្ថិតក្នុងភូមិព្រែកព្រះស្តេច សង្កាត់ព្រែកព្រះស្តេច ក្រុងបាត់ដំបង ។
ខេត្តបាត់ដំបង ៖ គ្រូបង្រៀនកុំព្យូទ័រម្នាក់ត្រូវបានប៉ូលិសឃាត់ខ្លួន និងឈានដល់ការឆែកឆេរមជ្ឈមណ្ឌលជំនាញកុំព្យូទ័រ (CEC) នៅវេលាម៉ោងជាង១០ព្រឹកថ្ងៃទី២ ឧសភា ស្ថិតក្នុងភូមិព្រែកព្រះស្តេច សង្កាត់ព្រែកព្រះស្តេច ក្រុងបាត់ដំបង ។
តាមប្រភពព័ត៌មានពីនគរបាលការិយាល័យប្រឆាំងការជួញដូរមនុស្ស និងការពារអនីតិជនខេត្តបានឱ្យដឹងថា កម្លាំងជំនាញបានចុះអនុវត្តដីការបស់ព្រះរាជអាជ្ញាអមសាលាដំបូងខេត្តលោកនួន សាន ដោយផ្អែកលើពាក្យបណ្តឹងរបស់សិស្សស្រី៤នាក់ដែលបានប្តឹងចោទឈ្មោះ ខៀវ ដារ៉ារ័ត្ន ភេទប្រុស អាយុ២៦ឆ្នាំ ជាគ្រូបង្រៀនកុំព្យូទ័រនៅមជ្ឈមណ្ឌលខាងលើ ពីបទបង្រៀនពួកនាងបែបអាសអាភាស គឺតម្រូវឱ្យមុជទឹកស្រាតក្នុងបន្ទប់សិន ទើបអាចរៀនកុំព្យូទ័របាន ។
តាមពាក្យបណ្តឹងបានឱ្យដឹងថា គ្រូបង្រៀនកុំព្យូទ័រនេះបានណែនាំឱ្យពួកនាងជាសិស្សធ្វើលំហាត់ប្រាណជាមុនសិនមុនពេលចូលអនុវត្តប្រើប្រាស់កុំព្យូទ័រ ។ លំហាត់ប្រាណនេះមាន២ដំណាក់កាលគឺ ៖
ទី១- ឱ្យពួកនាងចូលក្នុងបន្ទប់ទឹក ហើយដោះខោអាវចេញពីខ្លួនដោយធ្វើលំហាត់ប្រាណតាមការណែនាំពីក្រៅបន្ទប់ រួចងូតទឹកហើយស្លៀកពាក់ចេញមកវិញទើបអាចចូលអង្គុយមុខកុំព្យូទ័ររៀនបាន ។
ទី២- ឱ្យពួកនាងចូលបន្ទប់ទឹកដោះខោអាវដូចមុនតែអង្គុយលើកៅអីសណ្តូកជើងក្នុងរយៈពេលពី៣ទៅ៥នាទីទើបឈប់ ហើយងូតទឹកស្លៀកពាក់វិញចេញមកក្រៅ ចូលអង្គុយរៀនកុំព្យូទ័រដូចធម្មតា ។ ចំណុចទី២នេះត្រូវគ្រូនោះអះអាងថា យើងជាស្ត្រីធ្វើបែបនេះដើម្បីសម្រួលដល់ស្បូន និងឈាម ប្រឆាំងនឹងវិទ្យុសកម្មពីកុំព្យូទ័រដូចគ្នាដែរ ។ អ្វីដែលតាមការអះអាងនេះ គឺមានភាពអាសអាភាសទាក់ទងដល់ការលូកប្រដាប់ភេទ។
សិស្សម្នាក់បាននិយាយថា ខ្លួននាងធ្វើតាមគ្រូប្រាប់តែខ្លាចគេលួចថតវីដេអូ ក្រោយមកក៏បានសាកសួរអ្នករៀនដូចគ្នា និងមានការចាប់អារម្មណ៍ថាជារឿងមិនគប្បីសោះ ហើយក៏ជាមេរៀនឆ្កួតៗ ទើបសម្រេចចិត្តនាំគ្នាទៅដាក់ពាក្យបណ្តឹងនៅស្នងការដ្ឋានខេត្តតែម្តង ។
គ្រូបង្រៀនកុំព្យូទ័រជាប់ចោទខាងលើបានសារភាពថា ខ្លួនបាននិយាយប្រាប់ និងណែនាំសិស្សទាំងអស់គ្នាឱ្យធ្វើតាមខ្លួនប្រាប់ពិតប្រាកដមែន ។
ក្រោយពីការសាកសួរមន្ត្រីសមត្ថកិច្ចបានកសាងសំណុំរឿងបញ្ជូនខ្លួនគ្រូកុំព្យូទ័ររូបនេះទៅកាន់សាលាដំបូងខេត្តដើម្បីចាត់ការបន្តតាមនីតិវិធី ៕
ចែករំលែកព័តមាននេះ