ប្រធានាធិបតីរុស្ស៊ីលោកឌីមីទ្រីម៉េដវេដេវ ប្រកាសកាលពីថ្ងៃទី២ឧសភាថា លោកបានចុះហត្ថលេខាលើគម្រោងច្បាប់ស្តីពីការបោះឆ្នោតដោយផ្ទាល់ជ្រើសរើសអភិបាលតំបន់ ។
ក្នុងកិច្ចប្រជុំមួយជាមួយតំណាងរបស់ក្រុមសមាជិកសភាទាំងឡាយលោកម៉េដវេដេវថ្លែងថា ចាប់ពីពេលនេះតទៅអ្នកទទួលខុសត្រូវជាន់ខ្ពស់របស់បណ្តាតំបន់នៃប្រទេសយើងនឹងត្រូវជ្រើសរើសតាមរយៈការបោះឆ្នោតដោយផ្ទាល់ ស្មើភាពនិងជាសម្ងាត់របស់ពលរដ្ឋទាំងអស់ដែលរស់នៅក្នុងតំបន់ទាំងនេះរបស់សហព័ន្ធ ។ ច្បាប់នេះចូលជាធរមានចាប់ពីថ្ងៃទី១មិថុនាឆ្នាំ២០១២ទៅហើយការបោះឆ្នោតបែបនេះដំបូងត្រូវធ្វើនាខែតុលា ឆ្នាំ២០១២ ។
ម្យ៉ាងវិញទៀតប្រធានាធិបតីចប់អាណត្តិរុស្ស៊ីនៅបានចុះហត្ថលេខាលើច្បាប់មួយទៀត ដែលលុបចោលកាតព្វកិច្ចសម្រាប់បណ្តាគណបក្សនយោបាយឱ្យប្រមូលហត្ថលេខាឱ្យបានគ្រប់គ្រាន់ដើម្បីចូលរួមក្នុងការបោះឆ្នោត ៕
ចែករំលែកព័តមាននេះ