ខេត្តកំពង់ចាម ៖ ដីព្រៃអភិរក្សធម្មជាតិជាជម្រកត្រីពងដ៏សំខាន់ ស្ថិតនៅជាប់ឃុំទន្លេបិទ ស្រុកត្បូងឃ្មុំ ត្រូវបានក្រុមឈ្មួញកំពុងតែសម្រុកជីកយកអាចម៍ដីយ៉ាងគគ្រឹកគគ្រេងមិនមានការទប់ស្កាត់ពីសំណាក់អាជ្ញាធរមូលដ្ឋាននោះទេ ។ សកម្មភាពនេះត្រូវបានប្រជាពលរដ្ឋសង្កេតឃើញកើតមានឡើងប្រហែលជាងកន្លះខែមកហើយ។
តាមលោកគឹម ជុន មេឃុំទន្លេបិទ ប្រាប់ឲ្យកោះសន្តិភាពដឹងនៅព្រឹកថ្ងៃទី៣ ឧសភា ២០១២ ថា លោកយ៉េន វ៉ៃ ភេទប្រុស អាយុ៤០ឆ្នាំ រស់នៅភូមិទី១១ សង្កាត់កំពង់ចាម ក្រុងកំពង់ចាម បានដាក់លិខិតស្នើសុំមួយច្បាប់លេខ៣៨៧ ចុះនៅថ្ងៃទី២៦ មីនា ២០១២ មកកាន់រូបលោកសុំផ្លូវឆ្លងកាត់ដើម្បីដឹកដីពីមាត់បឹងទន្សោង ដោយឆ្លងកាត់តាមដងផ្លូវជាតិលេខ៧ ស្ថិតក្នុងភូមិយាយ.ស ឃុំទន្លេបិទ ស្រុកត្បូងឃ្មុំ ក្នុងតំបន់អភិរក្ស ដែលជាផ្លូវដឹកជញ្ជូនចាស់ពីក្រុមហ៊ុនជប៉ុនដឹកជញ្ជូនដី ធ្វើផ្លូវជាតិលេខ៧ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ