រាជធានីភ្នំពេញ ៖ កាលពីថ្ងៃទី៣ ឧសភា ២០១២ សហរដ្ឋអាមេរិកបានសម្តែងនូវក្តីកង្វល់យ៉ាងខ្លាំងទៅលើហេតុការណ៍ដែលបានកើតឡើងក្នុងពេលថ្មីៗនេះនៅខេត្តកោះកុង បណ្តាលឱ្យលោកឈុត វុទ្ធី ត្រូវឃាតករបាញ់សម្លាប់។ លោកវុទ្ធី គឺជាអ្នកការពារបរិស្ថានធម្មជាតិឆ្នើមម្នាក់នៅប្រទេសកម្ពុជា ហើយជាអ្នកការពារសិទ្ធិមនុស្សយ៉ាងមុតមាំ ។ យើងសូមសម្តែងមរណទុក្ខដ៏ស្មោះដល់គ្រួសាររបស់លោក ។
ក្នុងពេលសហរដ្ឋអាមេរិកកំពុងតាមដានរឿងនេះដោយយកចិត្តទុកដាក់ និងស្វែងយល់ឱ្យបានគ្រប់ជ្រុងជ្រោយទៅលើការពិតនៅនឹងកន្លែងកើតហេតុនោះ យើងសុំឱ្យអាជ្ញាធរកម្ពុជាធ្វើការស៊ើបអង្កេតឱ្យបានពេញលេញប្រកបដោយតម្លាភាព និងអាចជឿទុកចិត្តបានលើករណីនេះ ។ លើសពីនេះទៀត សហរដ្ឋអាមេរិកសូមលើកទឹកចិត្តឱ្យអាជ្ញាធរនាំខ្លួនយកមកផ្តន្ទាទោសប្រកបដោយតម្លាភាព និងភាពអាចជឿទុកចិត្តចំពោះជនណាដែលត្រូវបានរកឃើញថា មានការទទួលខុសត្រូវក្នុងករណីឃាតកម្មនេះ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ