ខេត្តស្វាយរៀង ៖ សាខាកាកបាទក្រហមកម្ពុជាខេត្តស្វាយរៀង បានរៀបចំពិធីអបអរសាទរខួបទី ១៤៩ ទិវាពិភពលោកកាកបាទក្រហមអឌ្ឍចន្ទក្រហម ៨ឧសភា ក្រោមប្រធានបទ «យុវជនកំពុងនាំគ្នាធ្វើសកម្មភាព» កាលពីវេលាម៉ោង៨ព្រឹកថ្ងៃទី៣ ឧសភា ក្រោមអធិបតីភាពលោកជៀង អំ អភិបាលខេត្ត និងជាប្រធានកិត្តិយសសាខាកាកបាទក្រហមកម្ពុជាខេត្តស្វាយរៀង ព្រមទាំងអស់លោកក្រុមប្រឹក្សាខេត្ត លោកឧកញ៉ា លោក លោកស្រី ថ្នាក់ដឹកនាំ ស្ថាប័នមន្ទីរ អង្គភាព ក្រុង ស្រុក មន្ត្រីរាជការប្រធានក្រុមហ៊ុន អាជីវករ យុវជនស្ម័គ្រចិត្ត និងប្រជាពលរដ្ឋប្រមាណជាង៥០០នាក់ ។
លោកសរ វណ្ណា នាយកសាខាកាកបាទក្រហមកម្ពុជាខេត្តបានមានប្រសាសន៍ថា ទិវានេះធ្វើឡើងក្នុងគោលបំណងលើកកម្ពស់ការយល់ដឹងជាសាធារណៈអំពីបញ្ហាប្រឈមជាសាកលនិងអ្វីដែលចលនាកាកបាទក្រហម អឌ្ឍចន្ទក្រហម បាននិងកំពុងធ្វើដើម្បីជួយដល់គ្រួសារដែលងាយនឹងទទួលរងនូវផលប៉ះពាល់ទាំងឡាយ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ