ក្រុងប៉ោយប៉ែត ៖ តាមប្រភពព័ត៌មានពីមន្ត្រីកម្ពុជាប្រចាំនៅច្រកទ្វារអន្តរជាតិប៉ោយប៉ែត បានប្រាប់កោះសន្តិភាពថា ពលករខ្មែរប្រុសស្រីចំនួន៥នាក់បានស្លាប់ ដោយគ្រោះថ្នាក់ចរាចរណ៍លើទឹកដីថៃ និងរងរបួសមួយចំនួនក្នុងខេត្តណាខនណាយុក កាលពីថ្ងៃទី២ ឧសភា ២០១២ ។
ប្រភពបន្តថា ជនរងគ្រោះដែលស្លាប់នោះមានប្រុស៤នាក់ ស្រីម្នាក់ ក្នុងនោះមានកុមារាអាយុ៥ទៅ៦ខែម្នាក់ផងដែរ ។ មន្ត្រីខាងលើប្រាប់ថា ពេលនេះមន្ត្រីកម្ពុជាប្រចាំប្រទេសថៃ កំពុងចុះទៅពិនិត្យមើលបញ្ហាហ្នឹង។ ប្រភពបញ្ជាក់ផងដែរថា ជនរងគ្រោះក្នុងហេតុការណ៍នេះភាគច្រើនជាអ្នកស្រុកអូរជ្រៅ ខេត្តបន្ទាយមានជ័យ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ