ខេត្តស្វាយរៀង ៖ បុរស៣នាក់ត្រូវបានប៉ូលិសឃាត់ខ្លួនពាក់ព័ន្ធនឹងការបើកល្បែងស៊ីសងភ្នាល់បាល់ ដោយជ្រកក្រោមស្លាកយីហោហាងកាហ្វេ អ៊ីនធើរណេតដែលការចុះបង្ក្រាបនេះបង្កឱ្យមានការភ្ញាក់ផ្អើលយ៉ាងខ្លាំងកាលពីវេលាម៉ោង៣និង៥នាទីរសៀលថ្ងៃទី៣ ឧសភា ២០១២ ស្ថិតនៅផ្ទះលេខEo3B ផ្លូវលេខ១១០ ភូមិវាលយន្ត សង្កាត់ស្វាយរៀង ក្រុងស្វាយរៀង ។
បុរសម្ចាស់ផ្ទះឈ្មោះសុខ គា អាយុ៣២ឆ្នាំ និង២នាក់ទៀតពុំទាន់ត្រូវបានស្គាល់ឈ្មោះនៅឡើយទេ ហើយពេលនេះប៉ូលិសកំពុងនាំយកទៅការិយាល័យដើម្បីសាកសួរ ។ ការបង្ក្រាបកន្លែងភ្នាល់បាល់នេះ ដឹកនាំ ដោយលោកវរសេនីយ៍ត្រី កុយ សុភាព ប្រធានការិយាល័យព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្ត និងមានការចូលរួមពីលោកកៀង សុន្ទរោ ព្រះរាជអាជ្ញារងអមសាលាដំបូងខេត្តស្វាយរៀង។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ