រាជធានីភ្នំពេញ ៖ ចាស់ជរា និងជនពិការក្រីក្រចំនួន១០នាក់បានទទួលអំណោយជាថវិកា និងគ្រឿងឧបភោគបរិភោគមួយចំនួនពីអនុសាខាកាកបាទក្រហមខណ្ឌដង្កោ និងសហគមន៍មូលនិធិនគរកាយវត្តព្រះពុទ្ធសាសនាកម្ពុជា ហើយក្នុងចំណោមជនក្រីក្រទាំង១០នាក់នោះមានលោកយាយម្នាក់ជាទុរគតជនរស់នៅតែម្នាក់ឯង ។ ដោយមើលឃើញពីទុក្ខលំបាកនេះលោកនុត ពុធដារ៉ា អភិបាលខណ្ឌដង្កោ បានសន្យាថា នឹងជួយសាងសង់ផ្ទះ១ខ្នងជូនដល់លោកយាយនាពេលឆាប់ៗខាងមុខនេះផងដែរ។
ពិធីចែកអំណោយនោះបានធ្វើឡើងកាលពីវេលាម៉ោង៨ព្រឹកថ្ងៃទី៣ ឧសភា ២០១២ ស្ថិតក្នុងភូមិគងនយ សង្កាត់គងនយ ខណ្ឌដង្កោ ក្រោមអធិបតីភាពលោកនុត ពុធដារ៉ា និងព្រះតេជគុណសុវណ្ណជោតិ ខឹម សម្បត្តិ ចៅអធិការវត្តញាណរង្ស៊ី និងជាប្រធានសហគមន៍មូលនិធិនគរកាយវត្តព្រះពុទ្ធសាសនាកម្ពុជា ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ