ខេត្តព្រះវិហារ ៖ លោកទ្រី វន្ថា ជាអតីតយោធិនធ្លាក់ខ្លួនពិការ និងជាអ្នកឆ្លើយឆ្លងព័ត៌មានកោះសន្តិភាពប្រចាំព្រំដែនប្រាសាទព្រះវិហារ បានទទួលរងនូវជំងឺលើសឈាមជាទម្ងន់ ត្រូវបានក្រុមគ្រួសារបញ្ជូនទៅកាន់មន្ទីរពេទ្យបង្អែក១៦ មករា ក្រុងព្រះវិហារ កាលពីយប់ថ្ងៃទី៣០ មេសា ២០១២ ដើម្បីសង្គ្រោះ ។
ដោយសារជំងឺរបស់គាត់មានស្ថានភាពធ្ងន់ធ្ងរពេក រហូតវង្វេវង្វាន់បាត់បង់ស្មារតីក្រុមគ្រូពេទ្យក៏បញ្ជូនបន្តតាមរថយន្តសាមុយមកកាន់មន្ទីរកាល់ម៉ែត កាលពីវេលាម៉ោង១១និង៣០នាទីព្រឹកថ្ងៃទី១ ឧសភា ២០១២ ដើម្បីធ្វើការសង្គ្រោះ ។ មកដល់ពេលនេះបន្ទាប់ពីក្រុមគ្រូពេទ្យជំនាញនៃមន្ទីរពេទ្យកាល់ម៉ែត្រធ្វើការសង្គ្រោះ អាការជំងឺរបស់គាត់បានធូរស្រាលខ្លះហើយ ។
ពេលនេះលោកទ្រី វន្ថា ជាអតីតយោធិនធ្លាក់ខ្លួនពិការ សូមអំពាវនាវដល់សប្បុរសជនក្នុង និងក្រៅប្រទេសមេត្តាជួយឧបត្ថម្ភថវិកាតាមកម្លាំងសទ្ធាជ្រះថ្លាដើម្បីព្យាបាលជំងឺ និងឆាប់បានត្រឡប់ទៅកាន់តំបន់ប្រាសាទព្រះវិហារវិញ៕
ចែករំលែកព័តមាននេះ