យោងតាមការសិក្សាមួយធ្វើឡើងចំពោះបណ្តាអ្នកចូលរួមក្នុងពិព័រណ៍របស់ OFFS-HORE TECHNOLOGY CONFERENCE (OTC) ដែលប្រព្រឹត្តទៅនាពេលនេះនៅទីក្រុងហូស្តុនសហរដ្ឋអាមេរិកឱ្យដឹងថា ផលិតកម្មប្រេងឥន្ធនៈនៅសហរដ្ឋអាមេរិកនឹងអាចជំរុញឱ្យមានការជំនួសប្រេងកាតដោយឧស្ម័នដែលនឹងក្លាយជាប្រភពថាមពលសំខាន់របស់ប្រទេស ។
ក្នុងចំណោមមនុស្សដែលគេបានសាកសួរ ប្រមាណជា៥៦% យល់ថាឧស្ម័ននឹងជំនួសប្រេងកាតជាប្រភពថាមពលទីមួយរបស់ប្រទេសរហូតដល់ឆ្នាំ២០៣០។ ចំណែកមនុស្ស៤០%យល់ថា ប្រេងកាតនឹងនៅតែរក្សាការគ្របដណ្តប់របស់ខ្លួន ។
ពិព័រណ៍ប្រចាំឆ្នាំរបស់OTC បង្កើតឡើងកាលពីឆ្នាំ១៩៦៩មក ដោយពិព័រណ៍នោះជាព្រឹត្តិការណ៍ដ៏ធំបំផុតមួយនៃពិភពលោកហើយផ្តោតលើធនធានប្រេង ។ ពិព័រណ៍នាឆ្នាំនេះប្រព្រឹត្តទៅពីថ្ងៃទី៣០មេសាដល់ថ្ងៃទី៣ឧសភាទាក់ទាញអ្នកចូលរួមដល់ទៅជាង៧០.០០០នាក់មកពីប្រទេសនិងតំបន់ជាង ១០០ ៕
ចែករំលែកព័តមាននេះ