រាជធានីភ្នំពេញ ៖ មន្ត្រីបង្គោលគណបក្សសង្កាត់ចំនួន១៦០នាក់ មកពីសង្កាត់ផ្សារចាស់ ផ្សារកណ្តាលទី១ និងទី២ បានចូលរួមបើកវគ្គបណ្តុះបណ្តាលស្តីពីឯកសារជាមូលដ្ឋានសម្រាប់មន្ត្រីបង្គោលគណបក្សនៅសាលប្រជុំសាលាខណ្ឌដូនពេញកាលពីរសៀលថ្ងៃទី២ ឧសភា ២០១២ ក្រោមអធិបតីភាពលោកឯកឃុនឌឿន អនុប្រធានគណៈកម្មាធិការគណបក្សប្រជាជនកម្ពុជាខណ្ឌដូនពេញ។
ក្នុងវគ្គបណ្តុះបណ្តាលមន្ត្រីបង្គោលគណបក្សនេះ លោកឯក ឃុនឌឿន បានលើកឡើងថា វគ្គបណ្តុះបណ្តាលស្តីពីការផ្សព្វផ្សាយឯកសារមូលដ្ឋានដល់មន្ត្រីបង្គោលគណបក្សនេះ មានសារសំខាន់ណាស់ ដើម្បីចុះយុទ្ធានាការឃោសនាបោះឆ្នោតក្រុមប្រឹក្សាឃុំ-សង្កាត់នាពេលខាងមុខនេះ ហើយត្រូវក្តាប់ឱ្យបាននូវលក្ខន្តិកៈ និងបទបញ្ជាផ្ទៃក្នុងគណបក្សប្រជាជនកម្ពុជា ភារកិច្ចរបស់ប្រធានក្រុមបក្ស ស្នាដៃធំៗទាំង៨យ៉ាង និងគោលការណ៍ទាំង១១ខរបស់គណបក្សប្រជាជនកម្ពុជា ដើម្បីបន្តកសាង និងការពារមាតុភូមិ ឯកសារ ជំនួយស្មារតីក្នុងការធ្វើផែនការឃោសនា ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ