សហរដ្ឋអាមេរិកគូសបញ្ជាក់កាលពីថ្ងៃទី២ឧសភាថាក្រុមប្រឹក្សាសន្តិសុខអ.ស.បបានសម្រេចដាក់ទណ្ឌកម្មនានាប្រឆាំងក្រុមហ៊ុននិងអង្គភាពកូរ៉េខាងជើងដ៏សំខាន់៣ថ្មីទៀតក្រោយការបាញ់កាំជ្រួចរបស់កូរ៉េខាងជើងកាលពីថ្ងៃទី១៣មេសាកន្លងមកនេះ ។
អង្គភាពកូរ៉េខាងជើងទាំង៣នោះដែលមានធនាគារមួយនិងក្រុមហ៊ុនមួយត្រូវបានបញ្ចូលបន្ថែមកាលពីថ្ងៃទី២៣ឧសភាទៅក្នុងបញ្ជី ក្រោយពីមានការព្រមព្ៀងមួយជាមួយចិន ជាសម្ព័ន្ធមិត្តសំខាន់របស់ក្រុងព្យុងយ៉ាង ។
លោកស្រីស៊ូសាន រ៉ៃដន អគ្គរដ្ឋទូតសហរដ្ឋអាមេរិកប្រចាំអ.ស.ប ក្រោយជូនដំណឹងពីការព្រមព្រៀងជាមួយចិននោះថ្លែងថា យើងចាត់ទុកទណ្ឌកម្មនោះជាទណ្ឌកម្មខ្លាំងនិងគួរឱ្យជឿជាក់ ។ លោកស្រីបន្តថា ទណ្ឌកម្មថ្មីៗទាំងនោះរួមមានការផ្អឹបទុកទ្រព្យរបស់អង្គភាពសំខាន់ទាំង៣នោះរបស់កូរ៉េខាងជើងដែលចូលរួមយ៉ាងសកម្មក្នុងកម្មវិធីនុយក្លេអ៊ែរ និងមីស៊ីលបាលីស្ទីករបស់ប្រទេសនោះ ។
យោងតាមបញ្ជីចេញផ្សាយដោយអ.ស.ថា អង្គភាពទាំង៣ដែលទទយលរងការដាក់ទណ្ឌកម្មថ្មីគឺក្រុមហ៊ុន AMROGCANG DEVELOPMENT BANKNG CORPOR-ATION ដែលទំនងជាមួយធនាគារ TANCHON ក្នុងការលក់មីស៊ីលបាលីស្ទីក ក្រុមហ៊ុន GREENPINE ASSOCIATED CORPORATION ដែលគ្រាកន្លងមកធានាដល់ការលក់អាវុធប្រមាណជាពាក់កណ្តាលនៃការលក់អាវុធរបស់កូរ៉េខាងជើង និងក្រុមហ៊ុន KOREA HEUNGJIN TRADING COMPANY ដែលសង្ស័យថាផ្តល់បច្ចេកវិទ្យាបាលីស្ទទីកដល់អុីរ៉ង់ ។ ក្រុមហ៊ុនទាំង៣នេះមានទីតាំងនៅក្រុងព្យុងយ៉ាង ។ ធនាគារ AMRO-GGANG ទទួលរងរួចហើយនូវទណ្ឌកម្មរបស់អឺរ៉ុបនិងអាមេរិក ៕
ចែករំលែកព័តមាននេះ