យោងតាមកាស្សែតអាត់សំឡេងមួយចេញផ្សាយកាលពីថ្ងៃទី២ឧសភាដោយទូរទស្សន៍CNNថា ជនប្រឆាំងចិនលោកCHEN GUANGCHENG បានស្នើដល់ប្រធានាធិបតីអាមេរិកលោកបារ៉ាក់ អូបាម៉ា ឱ្យធ្វើអ្វីគ្រប់យ៉ាងដើម្បីជួយរូបគេឱ្យចាកចេញពីប្រទេសចិនដោយនិយាយថារូបគេភ័យខ្លាចដល់អាយុជីវិតប្រសិនបើរូបគេស្ថិតក្នុងប្រទេស ។
លោក CHEN GUANGCHENG ក៏បានចោទប្រកាន់ផងដែរដល់បុគ្គលិកស្ថានទូតសហរដ្ឋអាមេរិកប្រចាំក្រុងប៉េកាំងជាកន្លែងដែលរូបគេរត់ភៀសខ្លួនចូលស្នាក់នៅអស់រយៈពេល៦ថ្ងៃថា ជំរុញឱ្យរូបគេចាកចេញពីទីនោះជាថ្នូរនឹងការធានាសន្តិសុខឱ្យរូបគេពីសំណាក់អាជ្ញាធរចិន បន្ទាប់មកបោះបង់រូបគេចោល ។ បុរសរូបនេះ ដែលភ្នែករបស់គេខ្វាក់មើលមិនឃើញបានទូរស័ព្ទពីបន្ទប់មន្ទីរពេទ្យមួយនៅក្រុងប៉េកាំងជាកន្លែងបញ្ជូនរូបគេមកក្រោយចាកចេញពីស្ថានទូតអាមេរិកថា ខ្ញុំចង់ជម្រាបដល់លោកប្រធានាធិបតីអូបាម៉ាថាខ្ញុំចង់ឱ្យលោកជួយធ្វើអ្វីគ្រប់យ៉ាងដើម្បីឱ្យគ្រួសារយើងអាចចាកចេញពីប្រទេសចិន ។
យោងតាមCNNថា លោកCHEN GUANGCHENG និយាយថា គាត់គ្មានទទួលបានព័ត៌មានអ្វីឡើយ ពេលគាត់យល់ព្រមចាកចេញពីស្ថានទូត ហើយពេលនេះភ័យខ្លាចគេបញ្ជូនទៅផ្ទះគាត់វិញនៅសានដុង ដែលគាត់រត់ចេញពីទីនោះកាលពីថ្ងៃទី២២មេសា។ ភរិយាគាត់ប្រាប់ថា មានមនុស្សរបស់រដ្ឋអំណាចចិនរង់ចាំលោកនៅទីនោះដោយមានកាន់អាវុធ ៕
ចែករំលែកព័តមាននេះ