រាជធានីភ្នំពេញ ៖ ដោយសារតែខឹងប្តីស្តីបន្ទោស ស្ត្រីជាប្រពន្ធដែលកំពុងពពោះ៤ខែ បានលេបថ្នាំជាតិដែកអស់១០គ្រាប់ ប៉ុនប៉ងធ្វើអត្តឃាតសម្លាប់ខ្លួន កាលពីវេលាម៉ោង១២ និង២០នាទីរំលងអធ្រាត្រឈានចូលថ្ងៃទី២ ឧសភា នៅបន្ទប់ជួលក្នុងភូមិព្រៃទា សង្កាត់ចោមចៅ ខណ្ឌពោធិ៍សែនជ័យ។
ស្ត្រីខឹងប្តីគិតខ្លីលេបថ្នាំធ្វើអត្តឃាតមានឈ្មោះឃិន ស៊ីណូយ អាយុ២៤ឆ្នាំ ជាកម្មការិនីរោងចក្រកាត់ដេរ ស្នាក់នៅបន្ទប់ជួលកន្លែងកើតហេតុខាងលើ ។ ប្រភពព័ត៌មានពីបុរសជាប្តីបានបង្ហើបឱ្យដឹងថា កាលពីរសៀលគាត់បានស្តីបន្ទោសប្រពន្ធ តែមិនបញ្ជាក់ថា រឿងអ្វីនោះទេ ទើបបណ្តាលឱ្យប្រពន្ធខឹង លុះដល់យប់ ស្រាប់តែចូលទៅសំងំលេបថ្នាំជាតិដែកអស់១០គ្រាប់ ដោយមិនមាននរណាម្នាក់ដឹងទេ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ