ក្រុងប៉ោយប៉ែត ៖ បុរសជនសង្ស័យ២នាក់ត្រូវបានប៉ូលិសប៉ុស្តិ៍រដ្ឋបាលសង្កាត់ប៉ោយប៉ែត ធ្វើការឃាត់ខ្លួនពីបទប៉ុនប៉ងមនុស្សឃាតកាលពីវេលាម៉ោង៦និង៤០នាទីព្រឹកថ្ងៃទី២ ឧសភា ២០១២ នៅចំណតរថយន្តក្រុង ស្ថិតក្នុងភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ខណៈពួកគេកំពុងរករថយន្តជិះគេចខ្លួនពីក្រុងប៉ោយប៉ែត ក្រោយពីគេចអស់រយៈពេល២យប់ បន្ទាប់ពីធ្វើសកម្មភាពវាយបុរសម្នាក់នឹងដែកស្បែងរហូតសន្លប់ក្នុងពិធីឡើងគេហដ្ឋាននាពេលកន្លងមក ។
ជនសង្ស័យទាំង២ រួមមាន ១-ឈ្មោះចាន់ វី អាយុ១៩ឆ្នាំ និង២-ឈ្មោះចាន់ កា អាយុ១៧ឆ្នាំ ពួកគេទាំងពីរជាអ្នករត់ម៉ូតូឌុប និងមានទីលំនៅភូមិព្រៃព្រិច សង្កាត់ប៉ោយប៉ែត ក្រុងប៉ោយប៉ែត។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ