ខេត្តព្រះសីហនុ ៖ បុរសជនជាតិសបារាំងម្នាក់ ត្រូវបានគេប្រទះឃើញដេកស្លាប់លើកំរាលឥដ្ឋការ៉ូ ក្បែរសាឡុងក្នុងផ្ទះជួលរបស់ខ្លួន ហើយត្រូវបានគេសង្ស័យថា ការស្លាប់នេះ ជាការធ្វើ អត្តឃាតបង្កឱ្យមានការភ្ញាក់ផ្អើលកាលពីវេលា ម៉ោង៨ និង៤៥នាទីយប់ ថ្ងៃទី២ ឧសភា ២០១២ ស្ថិតក្នុងក្រុម២៩ ភូមិ៣ សង្កាត់លេខ៣ ក្រុងព្រះសីហនុ (ម្តុំដីដំណាក់ស្តេច) លុះមកដល់ ព្រឹកថ្ងៃទី៣ ឧសភា ២០១២នេះ ប៉ូលិសកំពុងធ្វើការត្រួតពិនិត្យ ។
សពបុរសជនជាតិបារាំងមិនទាន់ត្រូវបានគេស្គាល់ឈ្មោះនៅឡើយទេ… នៅលើរាងកាយសពគេឃើញស្នាមធ្លុះដោយគ្រាប់កាំភ្លើងលើគុម្ពត្រចៀកហូរឈាមជោកខ្លួន ដេកដួលលើកំរាលឥដ្ឋក្បែរសាឡុង នៅលើភ្លៅសពមានកាំភ្លើងខ្លីម៉ាក K59 មួយដើម ហើយផ្ទះដែលជនបរទេសជួលស្នាក់នៅនេះ មានបើកហាងលក់គ្រឿងក្លែម សម្រាប់ពួកបរទេស ….
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ