រាជធានីភ្នំពេញ ៖ ម៉ូតូម៉ាកវីវ៉ា ពណ៌ក្រហម មួយគ្រឿងបើកបរក្នុងល្បឿនលឿន ហើយអ្នកបើកបរមិនពាក់មួកសុវត្ថិភាពក៏ជួបគ្រោះថ្នាក់បុកជាមួយរថយន្តកាមរីឆ្លាមពណ៌ប្រផេះ មួយគ្រឿងពេញទំហឹង បណ្តាលឱ្យអ្នកបើកបរដួលបោកទៅលើថ្នល់រងរបួសធ្ងន់ត្រូវគេបញ្ជូនទៅកាន់មន្ទីរពេទ្យដេរចំនួន៣០ថ្នេរ និងភ្លាត់ឆ្អឹងដងកាំបិត ។
គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៥និង១៥នាទីល្ងាចថ្ងៃទី២៩ មេសា ២០១២ នៅតាមផ្លូវលេខ២៦១ កែងផ្លូវលេខ១៩២ ក្នុងសង្កាត់ទឹកល្អក់ទី៣ ខណ្ឌទួលគោក ។ ជនរងគ្រោះឈ្មោះឃន ពិសិដ្ឋ ភេទប្រុស អាយុ២១ឆ្នាំ ជាជាងជួសជុលរថយន្តស្នាក់នៅយានដ្ឋានតាមផ្លូវលេខ១៥៦ សង្កាត់ទឹកល្អក់ទី២ ខណ្ឌទួលគោក ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ