ខេត្តបន្ទាយមានជ័យ ៖ កុមារតូចអាយុ៦ឆ្នាំ ម្នាក់បានទៅបង់ត្រីជាមួយពូ ហើយចុះទៅងូតទឹកប្រឡាយលង់ស្លាប់ ដោយពូមិនបានដឹងនឹកស្មានថា ក្មួយទៅផ្ទះ តែពេលបង់សំណាញ់យកត្រី បែរជាជាប់សពក្មួយទៅវិញ។ ហេតុការណ៍នេះកើតឡើងកាលពីរសៀលថ្ងៃទី២៧ មេសា ២០១២ នៅចំណុចភូមិកូបលិច ឃុំកូប ស្រុកអូរជ្រៅ ។
លោកនាយប៉ុស្តិ៍នគរបាលឃុំកូបបានប្រាប់ឱ្យដឹងថា កុមាររងគ្រោះឈ្មោះតុង សីហា អាយុ៦ឆ្នាំ រស់នៅភូមិ-ឃុំកើតហេតុ។ ប្រភពព័ត៌មានពីសាច់ញាតិកុមាររងគ្រោះបានប្រាប់សមត្ថកិច្ចថា មុនពេលកើតហេតុគឺកុមាររងគ្រោះបានទៅជាមួយពូឈ្មោះសុង វិបុល ដើម្បីបង់ត្រីនៅប្រឡាយក្បែរផ្ទះ ។ ខណៈពូជាប់រវល់បង់ត្រីមិនបានចាប់អារម្មណ៍មើលមិនដឹងថា ក្មួយចុះទៅលេងទឹកប្រឡាយស្មានថា ក្មួយត្រឡប់ទៅផ្ទះវិញ ។ បន្ទាប់មកពូបានទៅបង់ត្រីនៅកន្លែងក្មួយលង់ទឹកស្រាប់តែជាប់សពក្មួយក៏មានការភ្ញាក់ផ្អើលតែម្តង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ