រាជធានីភ្នំពេញ ៖ ចោរឆក់ម្នាក់ត្រូវប៉ូលិសដេញប៉ផាប់ចាប់ពភីង និងចាប់បានរយៈពេលកន្លងម៉ោងក្រោយមក បន្ទាប់ពីចោរម្នាក់នេះ និងបក្សពួកម្នាក់ទៀតធ្វើសកម្មភាពឆក់ខ្សែ.កអ្នកដំណើរសម្នាក់ ហើយរត់គេចខ្លួនតាំងពីនៅទឹកដីខណ្ឌសែនសុខ រហូតចាប់បាននៅភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ ។
ហេតុការណ៍ដេញចាប់ចោរនេះបានកើតឡើងកាលពីវេលាម៉ោង៥ល្ងាចថ្ងៃទី១៧ មេសា ២០១២ គឺចាប់បានម្នាក់ ខណៈចោរ២នាក់រត់គេចចេញពីទឹកដីខណ្ឌសែនសុខ ចូលទៅដល់ភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ រីឯម្នាក់ទៀតរត់គេចខ្លួនបាត់ បន្ទាប់ពីពួកគេផ្តួលម៉ូតូឱ្យដួលច្រងាងៗកណ្តាលផ្លូវ ។ ប៉ូលិសបានវាយខ្នោះជនសង្ស័យជាចោរម្នាក់ និងដកហូតម៉ូតូ១គ្រឿងម៉ាក RX ប្រភេទធំ ពណ៌ស យកទៅការិយាល័យ ដើម្បីសួរនាំ ។ ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ