រាជធានីភ្នំពេញ ៖ រទេះដឹកសំរាមមួយគ្រឿងត្រូវកំពប់សំរាមរាយប៉ាយពេញថ្នល់ ខណៈម៉ូតូស្មាស់មួយគ្រឿង ពណ៌ខ្មៅជិះទៅបុករទេះពីក្រោយ កាលពីវេលាម៉ោង៩និង៤៥នាទីយប់ថ្ងៃទី៨ មេសា តាមបណ្ដោយមហាវិថីសហព័ន្ធរុស្ស៊ីកែងផ្លូវលេខ២២៥ ក្នុងសង្កាត់ផ្សារដេប៉ូទី៣ ខណ្ឌទួលគោក។ គ្រោះថ្នាក់ចរាចរណ៍នេះមិនបណ្ដាលឱ្យរងរបួសទេ គ្រាន់តែខូចខាតម៉ូតូផ្នែកខាងមុខ និងរទេះដឹកសំរាមយ៉ាងដំណំ ។
រាជធានីភ្នំពេញ ៖ រទេះដឹកសំរាមមួយគ្រឿងត្រូវកំពប់សំរាមរាយប៉ាយពេញថ្នល់ ខណៈម៉ូតូស្មាស់មួយគ្រឿង ពណ៌ខ្មៅជិះទៅបុករទេះពីក្រោយ កាលពីវេលាម៉ោង៩និង៤៥នាទីយប់ថ្ងៃទី៨ មេសា តាមបណ្ដោយមហាវិថីសហព័ន្ធរុស្ស៊ីកែងផ្លូវលេខ២២៥ ក្នុងសង្កាត់ផ្សារដេប៉ូទី៣ ខណ្ឌទួលគោក។ គ្រោះថ្នាក់ចរាចរណ៍នេះមិនបណ្ដាលឱ្យរងរបួសទេ គ្រាន់តែខូចខាតម៉ូតូផ្នែកខាងមុខ និងរទេះដឹកសំរាមយ៉ាងដំណំ ។
ប្រភពព័ត៌មានបានឱ្យដឹងថា មុនពេលកើតហេតុនៅតាមមហាវិថីសហព័ន្ធរុស្ស៊ី ចាប់ពីស្ដុបអំបាសាដឺររហូតដល់មុខវត្ដនាគវ័នបានដាច់ចរន្ដអគ្គិសនី បណ្តាលឱ្យងងឹតអត់មានភ្លើងបំភ្លឺតាមដងផ្លូវ ស្របពេលនោះមានម៉ូតូស្មាស់ ពណ៌ខ្មៅ ជិះម្នាក់ឯង តាមមហាវិថីសហព័ន្ធរុស្ស៊ីពីលិចទៅកើត ខណៈបើកទៅដល់ផ្លូវកែងលេខ២២៥ ម៉ូតូស្មាស់បានជ្រុលទៅបុក រទេះដឹកសំរាមដែលកំពុងអូសតាមចិញ្ចើមផ្លូវដើម្បីប្រមូលសំរាមបានពេញរទេះបណ្តាលឱ្យកំពប់សំរាមរាយប៉ាយ ពេញថ្នល់។ ចំណែកម៉ូតូខូចខាតផ្នែកខាងមុខយ៉ាងដំណំ តែអ្នកបើកម៉ូតូមិនមានរងរបួសទេ ។
ក្រោយពេលកើតហេតុម្ចាស់ម៉ូតូនិងម្ចាស់រទេះដឹកសំរាមបានជជែកវែកញែកគ្នារកខុសត្រូវនៅកន្លែងកើតហេតុ ដោយមានសមត្ថកិច្ចចូលរួមធ្វើអន្ដរាគមន៍ផងដែរ ៕
ចែករំលែកព័តមាននេះ