ខេត្តស្ទឹងត្រែង ៖ ព្រះភិរុណបង្អុរភ្លៀងពីរមេជាប់គ្នាពីរថ្ងៃ បណ្តាលឱ្យខូចខាតរបស់របរប្រជាពលរដ្ឋមួយចំនួនក្នុងខេត្តស្ទឹងត្រែង កាលពីរសៀលថ្ងៃទី៧ ដល់ថ្ងៃទី៨ មេសា ២០១២ ។
ភ្លៀងពីរមេនេះបង្កឱ្យប្រជាជនមានការភ័យខ្លាច ខណៈមេឃកំពុងតែធ្លាក់ភ្លៀងខ្លាំង ហើយនោះស្រាប់តែមានខ្យល់យ៉ាងខ្លាំងបោកបក់ បណ្តាលឱ្យប៉ើងដំបូលផ្ទះ។ ចំណែកដើមឈើនៅតាមផ្លូវក៏ត្រូវប៉ើងរលំផងដែរ
ខេត្តស្ទឹងត្រែង ៖ ព្រះភិរុណបង្អុរភ្លៀងពីរមេជាប់គ្នាពីរថ្ងៃ បណ្តាលឱ្យខូចខាតរបស់របរប្រជាពលរដ្ឋមួយចំនួនក្នុងខេត្តស្ទឹងត្រែង កាលពីរសៀលថ្ងៃទី៧ ដល់ថ្ងៃទី៨ មេសា ២០១២ ។
ភ្លៀងពីរមេនេះបង្កឱ្យប្រជាជនមានការភ័យខ្លាច ខណៈមេឃកំពុងតែធ្លាក់ភ្លៀងខ្លាំង ហើយនោះស្រាប់តែមានខ្យល់យ៉ាងខ្លាំងបោកបក់ បណ្តាលឱ្យប៉ើងដំបូលផ្ទះ។ ចំណែកដើមឈើនៅតាមផ្លូវក៏ត្រូវប៉ើងរលំផងដែរ ជាពិសេសនៅទីកន្លែងខ្លះក្នុងក្រុងស្ទឹងត្រែង បានលិចទឹកដោយសារតែប្រព័ន្ធលូហូរមិនទាន់ ។ ជាមួយនឹងការធ្លាក់ភ្លៀង និងមានខ្យល់ខ្លាំងនោះមានរបាយការណ៍ពីអ្នកអង្កេតការណ៍ថា ដំបូលផ្ទះប្រជាពលរដ្ឋមួយចំនួនត្រូវខ្យល់កួចយកដំបូល និងរោងលក់ដូរមួយចំនួនបានរលំ ។ ឯស្តង់សង់រួចត្រៀមរៀបចំដាក់តាំងពិព័រណ៍ពាណិជ្ជកម្មក្នុងបរិវេណមន្ទីរវប្បធម៌ខេត្តក៏ត្រូវខ្យល់កួចបោកបក់រមូលខូចខាតស្ទើរទាំងស្រុង ។
ចំណែកដើមឈើជាច្រើននៅតាមផ្លូវសាធារណៈក៏ត្រូវដួលរលើងឫសផងដែរ រីឯកន្លែងមួយចំនួនក្នុងក្រុងស្ទឹងត្រែង បានលិចទឹកដោយសារទឹកភ្លៀងយ៉ាងខ្លាំងនេះដែរ ។ តែការជន់លិចនេះ មិនមានភាពត្រាំត្រែងជោកជាំហូរនោះទេ ក្រោយមេឃឈប់ភ្លៀងបានប្រហែលជាពីរទៅបីម៉ោងទឹកបានហូរទៅតាមទីទំនាប និងប្រព័ន្ធលូផ្សេងៗទៀតអស់ដែរ ។
ព្រះភិរុណបង្អុរជាភ្លៀងពីរមេ ព្រមទាំងមានចំហាយខ្យល់ព្យុះផងនេះ គ្រាន់តែបង្កឱ្យខូចខាតរបស់របរប្រជាពលរដ្ឋមួយចំនួនប៉ុណ្ណោះ តែមិនបណ្តាលឱ្យមានប្រជាពលរដ្ឋណាម្នាក់របួសគ្រោះថ្នាក់អ្វីឡើយ ៕
ចែករំលែកព័តមាននេះ