រាជធានីភ្នំពេញ ៖ កម្មការិនីរោងចក្រកាត់ដេរយីហោ ម៉ី រ៉េអាប់ធើរ ប្រមាណ៥០នាក់ បានពុលហើយដួលសន្លប់រដូករណែលត្រូវបញ្ជូនទៅសង្គ្រោះបន្ទាន់នៅមន្ទីរពេទ្យមិត្តភាពខ្មែរ-សូវៀត ជាបន្តបន្ទាប់កាលពីរសៀលថ្ងៃទី៦ មេសា ២០១២ ។ រោងចក្រម៉ីរ៉េ អាប់ធើរ មានទីតាំងស្ថិតនៅតាមបណ្តោយផ្លូវលេខ២៧១ ភូមិឫស្សី សង្កាត់ស្ទឹងមានជ័យ ។
រាជធានីភ្នំពេញ ៖ កម្មការិនីរោងចក្រកាត់ដេរយីហោ ម៉ី រ៉េអាប់ធើរ ប្រមាណ៥០នាក់ បានពុលហើយដួលសន្លប់រដូករណែលត្រូវបញ្ជូនទៅសង្គ្រោះបន្ទាន់នៅមន្ទីរពេទ្យមិត្តភាពខ្មែរ-សូវៀត ជាបន្តបន្ទាប់កាលពីរសៀលថ្ងៃទី៦ មេសា ២០១២ ។ រោងចក្រម៉ីរ៉េ អាប់ធើរ មានទីតាំងស្ថិតនៅតាមបណ្តោយផ្លូវលេខ២៧១ ភូមិឫស្សី សង្កាត់ស្ទឹងមានជ័យ ។
មិនទាន់មានប្រភពព័ត៌មានច្បាស់ការណ៍ណាមួយបញ្ជាក់ពីមូលហេតុនៃការពុលនេះនៅឡើយទេ។ ប៉ុន្តែប្រភពមិនផ្លូវការពីក្រុមកម្មករបាននិយាយថា ការពុលបណ្តាលមកពីក្លិនក្រណាត់ដែលទើបដឹកចូលក្នុងរោងចក្រ ។ ប្រភពខ្លះទៀតនិយាយថា បណ្តាលមកពីបរិស្ថានរោងចក្រមិនល្អ ។ ជុំវិញបញ្ហានេះភាគីខាងរោងចក្រមិនអាចទំនាក់ទំនងសុំការបំភ្លឺបានទេ ។ ឯក្រុមសន្តិសុខរោងចក្រក៏បិទទ្វារមិនឱ្យអ្នកកាសែតចូលសួរនាំអ្វីឡើយ ។
សូមបញ្ជាក់ថា រោងចក្រខាងលើនេះមានកម្មករសរុបជាង៣.០០០នាក់ ក្នុងនោះអ្នកពុលមានប្រមាណ៥០នាក់ប៉ុណ្ណោះ ៕
ចែករំលែកព័តមាននេះ