អ្នកជំងឺសរសៃប្រសាទ
ដោយ ៖ឈិត គឹមឆុន
ថ្ងៃអាទិត្យ ទី៩ ខែឧសភា ឆ្នាំ២០១០ ម៉ោង ០៩:០៣
អ្នកជំងឺសរសៃប្រសាទម្នាក់ដេកព្យាបាលក្នុងមន្ទីរពេទ្យជិតមួយឆ្នាំ។ ថ្ងៃមួយលោកវេជ្ជបណ្ឌិតមកសួរស្ទាបស្ទង់មើលតើជាដាច់ហើយឬនៅ ៖
-នែ, បើបានចេញពីពេទ្យត្រឡប់ទៅផ្ទះវិញតើប្អូនឯងធ្វើអី ?
-ខ្ញុំការប្រពន្ធ។
-ការប្រពន្ធរួចយប់ផ្សំដំណេកធ្វើអី ?
-ខ្ញុំនាំនាងចូលបន្ទប់ហើយបីដាក់លើ គ្រែ ។
-ដាក់លើគ្រែហើយធ្វើអីទៀត?
-ខ្ញុំដោះខោអាវនាងចេញ។
-ដោះខោអាវហើយធ្វើអីទៀត ?
-ខ្ញុំយកទៅបោកគក់ឱ្យស្អាត។ ផ្ទះខ្ញុំមានទឹកម៉ាស៊ីនច្រើនស្រួលបោកខោអាវណាស់ ។
