រាជធានីភ្នំពេញ ៖ បច្ចុប្បន្ននេះយើងសង្កេតឃើញថា មុខរបរនៃការរកសីុកោសខ្យល់មានស្ទើរតែគ្រប់ទីកន្លែងទាំង អស់ ជាពិសេសនៅក្នុងរាជធានីភ្នំពេញនេះតែម្តង ។ អាការវិលមុខ អស់កម្លាំង ចង់ក្អួតចង្អោរ និងអាការផ្សេងទៀតដែលទាមទារឱ្យលោកអ្នកត្រូវតែធ្វើការកោស ខ្យល់ទើបបាត់ ប៉ុន្តែលោកអ្នកមួយចំនួនប្រហែលជាមិនបានដឹងទេថា ការកោសខ្យល់នេះ អាចប្រឈម
រាជធានីភ្នំពេញ ៖ បច្ចុប្បន្ននេះយើងសង្កេតឃើញថា មុខរបរនៃការរកសីុកោសខ្យល់មានស្ទើរតែគ្រប់ទីកន្លែងទាំងអស់ ជាពិសេសនៅក្នុងរាជធានីភ្នំពេញនេះតែម្តង ។ អាការវិលមុខ អស់កម្លាំង ចង់ក្អួតចង្អោរ និងអាការផ្សេងទៀតដែលទាមទារឱ្យលោកអ្នកត្រូវតែធ្វើការកោសខ្យល់ទើបបាត់ ប៉ុន្តែលោកអ្នកមួយចំនួនប្រហែលជាមិនបានដឹងទេថា ការកោសខ្យល់នេះ អាចប្រឈមទៅនឹងបញ្ហាអ្វីខ្លះ ឬក៏មានមូលហេតុអ្វីឱ្យបានច្បាស់លាស់នៅឡើយនោះទេ?
លោកសាស្ត្រាចារ្យវេជ្ជបណ្ឌិត យឹម សុបុត្រា អ្នកឯកទេសវិកលវិទ្យានៃគ្លីនិកសាន់រ៉ាយ បានបកស្រាយប្រាប់កោះសន្តិភាពឱ្យដឹងថា ពាក្យថា កោសខ្យល់គឺជាទំនៀមទម្លាប់របស់ប្រពៃណីខ្មែរយើងដែលមានតាំងពីយូរលង់ណាស់មកហើយ ដោយយើងឃើញថា ប្រជាជនខ្មែរតែងតែធ្វើការកោសខ្យល់នៅពេលដែលពួកគាត់មានបញ្ហាមិនស្រួលនៅក្នុងរាងកាយរបស់គាត់ដូចជាវិលមុខ អស់កម្លាំង ក្តៅខ្លួន ឈឺក្បាល ចង់ក្អួតចង្អោរ ងងឹតមុខ ចុក ពោះ ដោយសារតែខ្យល់ដើរមិនស្រួល ឬក៏កោសខ្យល់នៅពេលដែលស្រវឹងជោកជាំជាដើម។
ប៉ុន្តែបើសិនជាអាការនេះចេះតែមិនស្រួលជាញឹកញាប់ ហើយការកោសខ្យល់នេះក៏តែងតែធ្វើជាប្រចាំដែលនោះ វាមិនមែនជារឿងល្អសម្រាប់លោកអ្នកទេ បើសិនជាយើងនិយាយទៅដល់រាងកាយមិនស្រួលនេះ ដែលតែងតែកើតឡើងជាញឹកញាប់នេះវាអាចមានជាប់ទាក់ទិនទៅនឹងជំងឺផ្លូវចិត្តមួយចំនួនផងដែរ ។ ក្នុងនាមខ្ញុំជាអ្នកឯកទេសវិកលវិទ្យានៅក្នុងប្រភេទនៃជំងឺថប់អារម្មណ៍ អ្នកជំងឺអាចមានអាការអស់កម្លាំង ចុកដៃចុកជើង វិលមុខ ស្រវាំងភ្នែក ឈឺក្បាល បន្ទាប់ពីនោះមកគាត់ក៏ធ្វើការកោសខ្យល់ ហើយបន្ទាប់ពីកោសខ្យល់អាការទាំងអស់នេះវានឹងបាត់ទៅវិញ ប៉ុន្តែមិនយូរមិនឆាប់ អាការទាំងនេះវានឹងកើតឡើងម្តងទៀត ដែលធ្វើឱ្យគាត់បន្តការកោសខ្យល់សារជាថ្មី ។ ដូច្នេះការកោសខ្យល់នេះ វាគ្រាន់តែជារបៀប ឬក៏វិធីដែលយើងព្យាបាលតាមបែបបុរាណប៉ុណ្ណោះ ដោយបុគ្គលខ្លះនោះនៅក្នុងមួយសប្តាហ៍ធ្វើការកោសខ្យល់២ទៅ៣ដងឯណោះ ។
យើងសង្កេតឃើញថា ការកោសខ្យល់មិនត្រឹមតែមានប្រចាំនៅផ្ទះ ឬគ្រួសារនោះទេ សូម្បីតែនៅតាមដងវិថីនីមួយៗមុខរបររកសីុកោសខ្យល់ក៏មានច្រើនណាស់ដែរ។
ទាំងនេះដោយសារតែលោកអ្នកមិនទាន់បានសិក្សា ឬក៏ស្វែងយល់ឱ្យបានច្បាស់លាស់អំពីបញ្ហានៃការកោសខ្យល់នេះនៅឡើយ។ ដោយយោងតាមឯកសារតាមការសិក្សាដែលមាននៅបច្ចិមប្រទេសយើង ឃើញថា អាការដែលបណ្តាលឱ្យលោកអ្នកឈានទៅដល់ការកោសខ្យល់នេះ គឺវាមានទំនាក់ទំនងទៅនឹងជំងឺថប់អារម្មណ៍ដែលភាគច្រើន អ្នកដែលមកជួបជាមួយខ្ញុំសុទ្ធតែជាមនុស្សដែលឧស្សាហ៍កោសខ្យល់ញឹកញាប់ ប៉ុន្តែនៅពេលដែលទទួលបានការព្យាបាលជំងឺថប់អារម្មណ៍នេះហើយ ការកោសខ្យល់នោះក៏លែងមានទៀតដែរ ។ ដូច្នេះហើយយើងអាចសន្និដ្ឋានបានថា ការកោសខ្យល់ញឹកញាប់កើតឡើងដោយសារតែលោកអ្នកមានជំងឺថប់អារម្មណ៍ ។
លោកសាស្ត្រាចារ្យវេជ្ជបណ្ឌិតបានបន្ថែមទៀតថា ការកោសខ្យល់ពិតជាបានធ្វើឱ្យលោកអ្នកបានធូរស្បើយពិតមែន ប៉ុន្តែវាក៏បានផ្តល់នូវផលប៉ះពាល់យ៉ាងធ្ងន់ធ្ងរផងដែរ បើសិនជាលោកអ្នកធ្វើការកោសខ្យល់ញឹកញាប់នោះ ហើយផលប៉ះពាល់ទាំងនេះមានដូចជា កាលណាដែលយើងធ្វើការកោសខ្យល់ញឹកញាប់ពេក អាចធ្វើឱ្យបែកគ្រាប់ឈានពេញខ្នង ជួនការបើសិនជាលោកអ្នកធ្វើការកោសខ្យល់នៅត្រឹងកញ្ចឹង.កក៏អាចធ្វើដាច់សរសៃឈាម ដែលជាហេតុអាចធ្វើឱ្យលោកអ្នកប្រឈមទៅនឹងគ្រោះថ្នាក់ដល់ជីវិតផងដែរ ដែលពេលខ្លះនោះយើងឃើញថា អ្នកដែលស្រវឹងស្រាមួយចំនួន បន្ទាប់ពីធ្វើការកោសខ្យល់ហើយដេកស្លាប់ដោយឯងៗក៏មានដែរ ដូច្នេះហើយលោកអ្នកតែរកដំណោះស្រាយដើម្បីកុំឱ្យកើតមានបញ្ហាផ្សេងៗដែលកើតឡើងដោយសារតែកោសខ្យល់នេះ ដោយលោកអ្នកត្រូវតែមកជួបជាមួយគ្រូពេទ្យចិត្តវិទ្យានៅពេលដែលមានអាការកោសខ្យល់ញឹកញាប់ ឬក៏ធ្វើការលំហាត់ប្រាណនៅឱ្យបានញឹកញាប់ជាដើម។ លោកអ្នកត្រូវតែប្តូរពីការកោសខ្យល់ជាការម៉ាស្សាវិញ ហើយបើសិនជាស្រវឹងរហូតដ៏ជោកជាំនោះលោកអ្នកត្រូវតែធ្វើការម៉ាស្សា ឬផឹកទឹកក្តៅឧណ្ណៗ ឬទឹកក្រូចឆ្មាជាដើម ប៉ុន្តែបើសិនជាការអនុវត្តន៍តាមការណែនាំទាំងនេះ ហើយនៅតែមិនមានប្រសិទ្ធភាពទៀតនោះ លោកអ្នកនាងកញ្ញាត្រូវតែប្រញាប់មកជួបជាមួយគ្រូពេទ្យចិត្តវិទ្យាដើម្បីធ្វើការព្យាបាលតាមបែបជំនាញរបស់គ្រូពេទ្យម្តងវិញ ៕
ចែករំលែកព័តមាននេះ