រាជធានីភ្នំពេញ ៖ ការប្រកួតកីឡាវាយកូនបាល់ជ្រើសរើសជើងឯកទូទាំងប្រទេសប្រចាំឆ្នាំ២០១២ ចាប់ផ្តើមជាផ្លូវការកាលពីថ្ងៃទី២៤ កុម្ភៈ ។ មន្ត្រីរៀបចំការប្រកួតឱ្យដឹងថា ការប្រកួនេះនឹងបញ្ចប់នៅថ្ងៃទី២ មីនា ដោយអនុវត្តទៅតាមកម្មវិធីប្រកួតប្រចាំឆ្នាំរបស់ក្រសួងអប់រំយុវជន និងកីឡា ដើម្បីជ្រើសរើសរកកីឡាករ កីឡាការិនី ល្អៗសម្រាប់ប្រមូលផ្តុំហ្វឹកហាត់ត្រៀមទៅចូលរួមប្រកួតក្នុងព្រឹត្តិការណ៍ប្រកួតនៅលើឆាកអន្តរជាតិ ។
ឆ្នាំនេះក្លឹបនិងសមាគមចូលរួមសរុបទាំងអស់ចំនួន៨ មានក្លឹបក្រសួងការពារជាតិ ក្លឹបក្រសួងមហាផ្ទៃ ក្លឹបខេមរា ក្លឹបសុខារិទ្ធ អង្គការអរុណរះ មណ្ឌលកុមារកំព្រាបឹងខ្យាង ក្លឹប DEVENCO និងក្លឹប ICAN ។ រីឯកីឡាករ កីឡាការិនីដែលបានចូលរួមវិញសរុបទាំងអស់១៣១នាក់ កីឡាករសរុប១១៨នាក់ និងកីឡាការិនី១៣នាក់ ។ ដោយឡែកសម្រាប់វិញ្ញាសាដែលត្រូវដាក់ឱ្យប្រកួតវិញនោះ មានប្រកួតវាយជាក្រុម៣នាក់ ទល់៣នាក់ ប្រកួតម្នាក់ទល់ម្នាក់ បុរសអក្សរ «ក» ប្រកួតវាយម្នាក់ទល់ម្នាក់ អក្សរ «ខ» ប្រកួតវាយគូបុរស ប្រកួតវាយគូចម្រុះបុរស-នារី និងប្រកួតវាយទោលម្នាក់ទល់ម្នាក់នារី៕
ចែករំលែកព័តមាននេះ