រាជធានីភ្នំពេញ ៖ យោងតាមសេចក្តីថ្លែងការណ៍របស់សហភាពសហជីពកម្ពុជាដឹកនាំដោយលោករ៉ុង ឈុន ដែលកោះសន្តិភាពទទួលបានកាលពីថ្ងៃទី២៤ កុម្ភៈ ២០១២ឲ្យដឹងថា ព្រឹកថ្ងៃនេះតម្លៃទំនិញនៅលើទីផ្សារហក់ឡើងខ្ពស់ ជាពិសេសតម្លៃប្រេងសាំងមានតម្លៃរហូតដល់៥.៨០០រៀលក្នុងមួយលីត្រ ការឡើងថ្លៃនេះនាំឲ្យប៉ះពាល់យ៉ាងធ្ងន់ធ្ងរ ដល់ប្រជាពលរដ្ឋក្រីក្រកម្មករ គ្រូបង្រៀន និងមន្រ្តីរាជការដែលមានប្រាក់ចំណូលតិចតួច ។
លោករ៉ុង ឈុន បានបន្តថា ចំពោះករណីតម្លៃទំនិញហក់ឡើងខ្ពស់នេះ បង្កឲ្យប្រជារាស្រ្ត កម្មករ គ្រូបង្រៀន និងមន្រ្តីរាជការដែលមានប្រាក់ចំណូលតិច និងប្រាក់ខែទាបរស់នៅដោយវេទនា ។ ក្នុងស្ថានភាពនេះ ប៉ះពាល់ដល់ការងាររបស់គ្រូបង្រៀន និងមន្រ្តីរាជការបុគ្គលិកកម្មករ និយោជិតថែមទៀត។ ដោយឡែករាជរដ្ឋាភិបាលក៏មិនទាន់ឃើញមានវិធានការបន្ទាន់ណាមួយទប់ស្កាត់ទំនិញឡើងថ្លៃនេះដែរ ជាពិសេសតម្លៃប្រេងសាំងកំពុងតែមានតម្លៃខ្ពស់ហួសហេតុ។
សហភាពសហជីពកម្ពុជា (CCU) សូមស្នើឲ្យរាជរដ្ឋាភិបាលកម្ពុជាម ានវិធានការទប់ស្កាត់ និងបញ្ចុះតម្លៃទំនិញលើទីផ្សារ ជាពិសេសតម្លៃប្រេងសាំងឲ្យមកនៅត្រឹមតម្លៃមួយសមរម្យ ដើម្បីឲ្យប្រជាពលរដ្ឋ កម្មករ និយោជិត គ្រូបង្រៀន និងមន្រ្តីរាជការរស់នៅសមរម្យ និងថ្លៃថ្នូរក្នុងសង្គមផង៕
ចែករំលែកព័តមាននេះ