រាជធានីភ្នំពេញ ៖ ក្រុមហ៊ុន Samsung Electrionics ក្រោយពីបានសម្ពោធដាក់លក់ទូរស័ព្ទ Samsung smartphone ម៉ូដែលGalaxy ដែលសុទ្ធសឹងតែជាសមិទ្ធផលនៃបច្ចេកវិទ្យាច្នៃប្រឌិតខ្ពស់ទំនើបចុងក្រោយគេហើយត្រូវបានលក់ដាច់យ៉ាងច្រើនលើសលប់រួមមាន Samsung Galaxy Sll, Galaxy Y, Galaxy Cooper, Galaxy Tab 7.OPlus និង Galaxy Note ។ ម៉ូដែលទាំងអស់របស់ Samsung Galaxy សុទ្ធតែត្រូវបានអតិថិជន ទូទាំងពិភពលោកទទួលស្គាល់ថា វាជាស្មាតហ្វូន ដែលមានល្បឿនលឿន ស្ដើង រូបភាពភ្លឺច្បាស់ល្អឥតខ្ចោះនិងបំពាក់ដោយប្រព័ន្ធប្រតិបត្ដិការរបស់ Android ដែលពោរពេញទៅដោយអនុភាពខ្ពស់ដែលធ្វើឱ្យអ្នកប្រើប្រាស់មានអារម្មណ៍ថាខ្លួនស្ថិតនៅក្នុងយុគសម័យចុង ក្រោយគេនៃការអភិវឌ្ឍរបស់បច្ចេកវិទ្យា ។
ឥឡូវនេះ Samsungបានសហការជាមួយ Cellcard ដែលជាក្រុមហ៊ុនទូរស័ព្ទចល័តលំដាប់ថ្នាក់លេខ១ផ្ដល់នូវប្រូម៉ូសិនពិសេសគឺរាល់ការជាវទូរស័ព្ទ smartphone ណាមួយខាងលើរបស់ Samsung Galaxy ពីគ្រប់ហាងលក់ទូរស័ព្ទដៃនៅទូទាំងប្រទេសដែលមានផ្ដល់ប័ណ្ណធានា នឹងទទួលបាននូវប័ណ្ណ(coupon) មួយសន្លឹកដើម្បីបើកយកស៊ីមកាតថ្មីពីគ្រប់សាខា ក្រុមហ៊ុនMobitel ដែលអាចប្រើអ៊ីនធើរណេតបាន១ឆ្នាំដោយឥតគិតថ្លៃ ។ លោកអ្នកអាចប្រើកញ្ចប់សេវាអ៊ីនធើរណេតរហូតដល់ទៅ៥០០MBប្រចាំខែជាមួយនឹងស៊ីមកាតថ្មី ឬអាចបញ្ចូលកញ្ចប់ប្រូម៉ូសិននេះទៅក្នុងលេខស៊ីមកាត Cellcard ដែលអ្នកកំពុងប្រើប្រាស់ស្រាប់ក៏ បាន។
ចំពោះអតិថិជនស៊ីមកាតថ្មីរបស់Cellcard ទាំងអស់នឹងទទួលបានទឹកប្រាក់៦ដុល្លារដោយស្វ័យប្រវត្ដិ បន្ទាប់ពីបានបញ្ចូលទឹកប្រាក់១ដុល្លារ ។ កម្មវិធីនេះមានសុពលភាពចាប់ពីថ្ងៃទី៣ កុម្ភៈ រហូតដល់ថ្ងៃទី៣០ ខែមេសា ឆ្នាំ២០១២ ។ សូមសួររកប័ណ្ណធានារយៈពេល១ឆ្នាំ រាល់ការជាវផលិតផល Samsung Galaxy ។ សូមក្លាយជាម្ចាស់ Galaxy ណាមួយឥឡូវនេះព្រោះស្ដុកមានកំណត់ ។
ទន្ទឹមនឹងនេះដែរ ក្រុមហ៊ុនធំទាំងពីរបានដាក់ដំឡើងកន្លែងសាកល្បង (ExperienceZone) ដំបូងគេបង្អស់នៅក្នុងព្រះរាជាណាចក្រកម្ពុជាដែលអនុញ្ញាតឱ្យអ្នកប្រើប្រាស់អាចដកបទពិសោធន៍ជាមួយនឹងល្បឿនអ៊ីនធើរណេត 3.5G ដែលលឿនជាងគេនៅលើគ្រប់ទូរស័ព្ទដៃស្មាត ហ្វូនរបស់Samsung ។ លោកអ្នកអាចអញ្ជើញចូលរួមសាកល្បងដើម្បីដកយកបទពិសោធន៍ ប្រើវានៅរៀងរាល់ម៉ោងធ្វើការ នៅឯការិយាល័យកណ្ដាលរបស់ក្រុមហ៊ុនទូរស័ព្ទចល័ត Mobitel ចាប់ពីថ្ងៃទី៦ ខែកុម្ភៈ ដល់ថ្ងៃទី១៧ ខែកុម្ភៈ ឆ្នាំ២០១២ ៕
ចែករំលែកព័តមាននេះ