បុរសម្នាក់នៅរដ្ឋ Utah អាមេរិក បានបំផ្ទុះលំនៅឋានរបស់ខ្លួនចោលនៅថ្ងៃអាទិត្យក្នុងបំណងសម្លាប់ខ្លួននិងកូនប្រុសពីរនាក់ ។ នេះបើតាមព័ត៌មានពីអាជ្ញាធរ ។ ផ្ទះរបស់គាត់នៅក្នុងទីក្រុង Graham ត្រូវផ្ទុះ ឆេះក្នុងអណ្តាតភ្លើងយ៉ាងសន្ធោសន្ធៅបន្ទាប់ពីក្រុមអ្នកបំរើសង្គម នាំក្មេងប្រុសទាំងពីរឈ្មោះ Charlie វ័យ៧ និង Braden វ័យ៥ឆ្នាំ ទៅលេងជាមួយឪពុក ។ លោកJosh Powell កំពុងស្ថិតក្រោមការស៊ើបអង្កេតលើករណីបាត់ខ្លូនស្ត្រីជាភរិយាឈ្មោះ Susan ពីលំនៅឋានខែធ្នូ ឆ្នាំ២០០៩។
លោកអះអាងថា នាងជាប្រពន្ធបានបាត់ខ្លួនភ្លាមៗ បន្ទាប់ពីបានចេញទៅបោះជំរំជាមួយកូនប្រុសទាំងពីរ។ ចៅក្រមក៏សម្រេចឲ្យកូនប្រុសទាំងពីរនោះរស់នៅជាមួយឪពុកម្តាយរបស់នាង Suan Powell ហើយបុរសជាឪពុកមានសិទ្ធិយកកូនទៅវិញលុះត្រាត្រូវរ៉ូវប្រពន្ធសិន ។ បុគ្គលិកបម្រើសង្គមបាននាំក្មេងប្រុសទាំងពីរ ទៅផ្ទះលោកPowell នៅថ្ងៃសុក្រ ដើម្បីទៅលេងជាមួយឪពុករបស់ខ្លួន ហើយលោកPowell ក៏នាំក្មេងចូលតែមិនអនុញ្ញាតឲ្យនរណាចូលឡើយ ។
បុគ្គលិកបម្រើសង្គមបានទូរស័ព្ទទៅកាន់ប្រធានរបស់ខ្លួនថា មានធុំក្លិនហ្គាស់ ហើយបន្តិច ក្រោយមកផ្ទះទាំងមូលក៏ផ្ទុះឆេះ ។ អ្នកនាំាពាក្យរបស់ប៉ូលិសសង្កាត់ Piereceនិយាយថា លោក Powell បានផ្ញើសារមកកាន់ប៉ូលិសថា គាត់មានផែនការបំផ្ទុះអត្តឃាត ។ ចំណែកមេធាវីរបស់គាត់និយាយថា គាត់ក៏ ទទួលបានសារនោះដែរ មុនពេលនៃហេតុការណ៍ បំផ្ទុះលំនៅឋាននោះ ៕
ចែករំលែកព័តមាននេះ