ប៉ូលិសជប៉ុននៅថ្ងៃចន្ទ និយាយថា ពួកគេបានចាប់ខ្លួនស្ត្រីម្នាក់ដែលបោះបង់សាកសព កូនស្រីរបស់ខ្លួន បន្ទាប់ពីក្រុមប៉ូលិសរកឃើញសពនៅក្នុងព្រៃក្បែរផ្ទះក្នុងទីក្រុង Hijimachiខេត្ត Oita ។ ករណីនេះត្រូវបានគេផ្សព្វផ្សាយជាច្រើនលើកកាលពីខែកញ្ញា ឆ្នាំ២០១១ ពេលស្ត្រីជាម្តាយត្រូវគេស្គាល់ឈ្មោះថា Yuko Emoto អះអាងថា កូនស្រីវ័យ២ឆ្នាំរបស់ខ្លួន ឈ្មោះKotone ត្រូវបានគេចាប់ពង្រត់ចេញពីក្នុងរថយន្តនៅកន្លែងចតយានយន្តក្នុងផ្សារទំនើបមួយ ។
នាង Emoto ប្រាប់ប៉ូលិសថា នាងបានចេញពីកូនស្រី ដែលឲ្យនៅអង្គុយកៅអីក្នុងរថយន្ត ជាមួយនឹងការដាក់ក្រវ៉ាត់សុវត្ថិភាពផងពេលដែលគាត់ចូលផ្សារទំនើប Marushoku Kawasaki ។ នាងបន្តថា នាងចូលផ្សារតែ៥នាទីទេ ហើយពេលនាងត្រឡប់មកវិញចូលក្នុងរថយន្ត ស្រាប់តែមិនឃើញកូនស្រីរបស់នាង ។ ក្រុមប៉ូលិសក៏បានបើកយុទ្ធនាការរុករកក្មេងស្រី ប៉ុន្តែនៅតែគ្មានពន្លឺ ។
ប៉ូលិសនិយាយថា ពួកគេបានសុំនាងEmoto ឲ្យចូលខ្លួននៅប៉ុស្តិ៍ប៉ូលិសដើម្បីសាកសួរលើឧបទ្ទវហេតុនៅថ្ងែអាទិត្យ។ នាពេលនោះ នាងជាម្តាយក៏បានសារភាពពីទោសកំហុសថា រឿងចាប់ពង្រាត់កូនស្រីរបស់នាងនោះគឺជារឿងភូតកុហសទេ តាមការពិតនាងបានយកសពកូនស្រីនាងទៅកប់នៅលើភ្នំ ។ បន្ទាប់ពីបញ្ចប់ការសាកសួរ នាងក៏បាននាំប៉ូលិសទៅពិនិត្យក្នុងព្រៃដែលមានចម្ងាយប្រហែល៣គីឡួម៉ែត្រពីផ្ទះរបស់នាង ហើយក្រុមប៉ូលិសក៏រកឃើញសព ៕
ចែករំលែកព័តមាននេះ