ខេត្តបន្ទាយមានជ័យ ៖ កាមរីមួយគ្រឿងបែកកង់ក្រោយបានរេចង្កូតទៅបុករ៉ឺម៉កដឹកអេតចាយធ្លាក់ស្នាមភ្លោះទាំងអស់គ្នា កាលពីវេលាម៉ោង១២ថ្ងៃត្រង់ ថ្ងៃទី៦ កុម្ភៈ ២០១២ លើដងផ្លូវជាតិលេខ៥ ស្ថិតក្នុងភូមិសូរិយាថ្មី ឃុំកូប ស្រុកអូរជ្រៅ ធ្វើឱ្យអ្នកជិះក្នុងរថយន្ត៥ទៅ៦នាក់ព្រលឹងចុងសក់ ឯអ្នកបើកបរម៉ូតូសណ្តោងរ៉ឺម៉ករបួសស្រាល ។
តាមប្រភពពីកន្លែងកើតហេតុបានប្រាប់ឱ្យដឹងថា មុនពេលកើតហេតុគេឃើញរថយន្តកាមរីស៊េរីឆ្នាំ១៩៩១ ចង្កូតស្តាំ ពណ៌ស្លាបក្អែក និងម៉ូតូសណ្តោងរ៉ឺម៉កដឹកអេតចាយ បើកបរស្របទិសគ្នាពីលិចទៅកើត ។ លុះមកដល់ចំណុចកើតហេតុ ស្រាប់តែរថយន្តបែកកង់ក្រោយផ្នែកខាងស្តាំ ខណៈល្បឿនកំពុងលឿនក៏រេចង្កូតគ្រវីពេញថ្នល់បុករ៉ឺម៉កដឹកអេតចាយធ្លាក់ស្នាមភ្លោះទាំង២តែម្តង ។
ក្រោយកើតហេតុអ្នកបើកបររថយន្តបង្កមិនបានប្រាប់អត្តសញ្ញាណទេ ប៉ុន្តែប្រាប់ថារថយន្តខ្លួនដឹកអ្នកជិះពីស្រុកម៉ាឡៃទៅទីរួមខេត្តបន្ទាយមានជ័យ ។ ដោយឡែកបុរសចំណាស់ម្ចាស់ម៉ូតូសណ្តោងរ៉ឺម៉កដឹកអេតចាយឈ្មោះប៊ូ បឿន អាយុ៥០ឆ្នាំ មានទីលំនៅក្នុងភូមិគាប សង្កាត់ទឹកថ្លា ក្រុងសេរីសោភណ្ឌ ៕
ចែករំលែកព័តមាននេះ