ខេត្តក្រចេះ ៖ ការកកស្ទះចរាចរណ៍បានកើតឡើងជិត៤ម៉ោងតាមកំណាត់ផ្លូវជាតិលេខ៧៣ នៅលើស្ពានដែកបាឡេព្រែកឆ្លូង ក្នុងឃុំឆ្លូង ស្រុកឆ្លូង កាលពីព្រឹកថ្ងៃទី៦ កុម្ភៈ បង្កឡើងដោយរថយន្តធុនធំដឹកដំឡូងមីពេញប្រៀបខូចសំកាំងនៅលើស្ពាន។
រថយន្តដឹកដំឡូងមីដែលខូចលើស្ពានបង្កឱ្យស្ទះចរាចរណ៍នេះម៉ាកហ៊ីយ៉ាន់ដាយ ពណ៌ស ចំណុះ៥តោនមានដឹកដំឡូងមីស្ងួតពេញប្រៀបបើកបរដោយឈ្មោះញ៉ូវ គឹមអ៊ី អាយុ៣៩ឆ្នាំ មានទីលំនៅខេត្តក្រចេះ ។ មូលហេតុបណ្តាលមកពីរថយន្តនេះ ខូចកាឡេទៅមុខ និងថយក្រោយមិនរួចនៅទើរពាក់កណ្តាលស្ពានតែម្តង។
មន្រ្តីនគរបាលចរាចរចណ៍ជើងគោកខេត្ត ដឹកនាំ ដោយលោកវរសេនីយ៍ឯក ហន ប៉ូច ស្នងការរងទទួលបន្ទុកសណ្តាប់ធ្នាប់បានចុះទៅដល់កន្លែងកកស្ទះ ដើម្បីបញ្ជាចរាចរណ៍កុំឱ្យកកស្ទះទៀត ។ ឯរថយន្តខាងលើត្រូវគេស្ទូចទៅដាក់ចិញ្ចើមផ្លូវ៕
ចែករំលែកព័តមាននេះ