រាជធានីភ្នំពេញ ៖ បុរសម្នាក់ត្រូវបានគេប្រទះឃើញដេកស្លាប់នៅក្នុងបន្ទប់ឡៅតឿជាន់ទី១ ផ្ទះល្វែងមួយកន្លែងដែលគេសង្ស័យថា ជាអំពើឃាតកម្ម ឬដាក់ថ្នាំពុលនៅក្នុងស្រា ព្រោះមុនពេលស្លាប់បុរសនោះបានស៊ីផឹកស្រវឹងរួចក៏ចូលដេក លុះព្រឹកឡើងត្រូវគេប្រទះឃើញស្លាប់បែបនេះតែម្តង ។
ហេតុការណ៍នោះបានកើតឡើងកាលពីវេលាម៉ោង៧ព្រឹកថ្ងៃទី៦ កុម្ភៈ ២០១២ នៅចំណុចផ្ទះល្វែងលេខ៧២ ស្ថិតក្នុងភូមិថ្នល់បំបែក សង្កាត់ចោមចៅ ខណ្ឌពោធិ៍សែនជ័យ ។ ប្រភពបានឱ្យដឹងថា ម្ចាស់ផ្ទះល្វែងនោះឈ្មោះតាំង ប៊ុនឡេង ភេទប្រុស អាយុ៣៩ឆ្នាំ ជាមន្ត្រីប៉ូលិសនាយកដ្ឋានកិច្ចការបរទេសក្រសួងមហាផ្ទៃ ។ ដោយឡែកបុរសដែលស្លាប់បាត់បង់ជីវិតនោះឈ្មោះភុន វណ្ណា អាយុ២៧ឆ្នាំ ជាអ្នកមើលការខុសត្រូវ និងស្នាក់នៅក្នុងផ្ទះកើតហេតុនោះ ។
តាមប្រភពព័ត៌មានបានឱ្យដឹងថា បុរសដែលស្លាប់ខាងលើសង្ស័យអាចជាអំពើឃាតកម្មវាយ ឬរឹត.កសម្លាប់ ជាងនេះទៅទៀតក៏អាចស្លាប់ដោយសារថ្នាំពុលក្នុងស្រាផងដែរ ព្រោះនៅមុនពេលកើតហេតុគេបានដឹងថា បុរសនេះទៅផឹកសីុនៅម្តុំជិតវត្តពោធិ៍ចិនតុង,៕
ចែករំលែកព័តមាននេះ