ទីភ្នាក់ងារព័ត៌មានបរទេសផ្សាយថា តាមលទ្ធផលស្រាវជ្រាវលើអ្នកជំងឺរបស់ក្រសួងសុខាភិបាលអង់គ្លេសចំនួន១៤លាននាក់ឃើញថា អ្នកជំងឺនឹងមានឱកាសស្លាប់ច្រើនជាងប្រក្រតី ប្រសិនបើបញ្ជូននៅមន្ទីរពេទ្យនៅថ្ងៃសៅរ៍ និងថ្ងៃអាទិត្យ ដោយមានអត្រាជាមធ្យម១១% ។ ការប៉ាន់ប្រមាណបានបញ្ជាក់ថា អ្នកជំងឺខាងលើនឹងស្លាប់ក្នុងរវាង៣០ថ្ងៃ ឯអ្នកជំងឺដែលបញ្ជូនទៅមន្ទីរពេទ្យក្នុងថ្ងៃអាទិត្យនឹងអាចស្លាប់ច្រើនជាងអ្នកជំងឺដែលបញ្ជូនទៅព្យាបាលនៅថ្ងៃពុធ១៦% ។
លទ្ធផលស្រាវជ្រាវខាងលើបានធ្វើឱ្យថា អ្នកជំនាញក្រើនរំលឹកថា អ្នកជំងឺដែលបញ្ជូនទៅមន្ទីរពេទ្យនៅចុងសប្តាហ៍មាននិន្នាការឈឺធ្ងន់ និងពិបាកក្នុងការព្យាបាលក្នុងបទដ្ឋានខ្ពស់ ។ អ្នកជំងឺនៅចុងសប្តាហ៍ គឺបណ្តាលមកពីមូលហេតុច្រើន ដូចជាគ្រោះថ្នាក់ចរាចរណ៍ការទទួលទានគ្រឿងស្រវឹង និងការព្យាបាលនៅក្រៅម៉ោង រួមទាំងត្រូវប្រឈមមុខនឹងអាការកាន់តែយ៉ាប់យ៉ឺន ព្រោះការព្យាបាលក្នុងរយៈពេលយឺតយ៉ាវ ។
ក្រៅពីនេះលោកអេនឌ្រូ លែនឡេ រដ្ឋមន្ត្រីក្រសួងសុខាភិបាលអង់គ្លេស បានក្រើនរំលឹកថា អាជ្ញាធរចាំបាច់ត្រូវកែប្រែគោលគំនិតមូលដ្ឋានទាក់ទិននឹងការផ្តល់សេវាកម្មព្យាបាលអ្នកជំងឺនៅតាមមន្ទីរពេទ្យនានា ក្នុងអំឡុងពេលចុងសប្តាហ៍និងរឿងមិនអាចទទួលយកបានលើស្ថានភាពអ្នកជំងឺនៅចុងសប្តាហ៍ដែលត្រូវចំណាយពេលព្យាបាលមានភាពយឺតយ៉ាវ និងសុខភាពកាន់តែយ៉ាប់ ៕
ចែករំលែកព័តមាននេះ