ទីភ្នាក់ងារព័ត៌មានបរទេសកាលពីថ្ងៃទី១ កុម្ភៈ ផ្សាយថា ប៉ូលិសស៊ីលីកំពុងត្រួតពិនិត្យក្រុមឧក្រិដ្ឋកម្មដោយមានជំនឿថា ស្ថិតនៅពីក្រោយការបង្កហេតុលួចដុំទឹកកកជាច្រើនដុំពីតំបន់ទឹកកកចំនួន៥តោន ដោយលួចពីទីក្រុងប៉ាតាតកានី ឆ្ងាយពីក្រុងសាន់ត្យាហ្គោ ទៅភាគខាងត្បូងប្រហែល១.០៥៦ម៉ៃល៍ ឬប្រហែល១.៥០០គីឡូម៉ែត្រ និងមានតម្លៃប្រហែល៦.២០០ដុល្លារ។
សមត្ថកិច្ចប៉ូលិសក្នុងទីក្រុងខុករ៉េន បានរឹបអូសរថយន្តមួយគ្រឿង រួមទាំងអ្នកបើកបរ និងមានការភ្ញាក់ផ្អើលនៅពេលប្រទះឃើញដុំទឹកកកខាងលើត្រូវបានលួច។ បច្ចុប្បន្នប៉ូលិសកំពុងត្រៀមធ្វើការស៊ើបអង្កេតរកអ្នកដែលប្រព្រឹត្តបទល្មើសលួចកេរមរតកវប្បធម៌នេះ ។ របាយការណ៍បានបញ្ជាក់បន្តទៀតថា សម្រាប់ដុំទឹកកកខាងលើ ជាផ្នែកមួយនៃផ្ទាំងទឹកកកក្នុងតំបន់ទឹកកកនៅភាគខាងត្បូង ជាវាលទឹកកកដ៏ធំបំផុតនៅលើពិភពលោកបន្ទាប់ពីតំបន់ប៉ូលខាងជើង និងហ្គ្រីនលែន ស្ថិតនៅចន្លោះប្រទេសស៊ីលី និងអាហ្សង់ទីន ៕
ចែករំលែកព័តមាននេះ