ស្រ្តីម្នាក់នៅវៀតណាមខាងត្បូង បានក្លាយជាមនុស្សទី២ហើយ ដែលស្លាប់ដោយសារជំងឺផ្តាសាយបក្សីនៅប្រទេសវៀតណាមក្នុងឆ្នាំ២០១២។ មន្ត្រីក្រសួងសុខាភិបាលនិយាយថា ស្រី្តវ័យ១៦ឆ្នាំ មកពីខេត្ត Soc Trang ស្លាប់កាលពីថ្ងៃសៅរ៍សប្តាហ៍មុន បន្ទាប់ពីសម្រាកព្យាបាលជំងឺក្អកនិងក្តៅខ្លួនខ្លាំង។ វិទ្យាស្ថានស្រាវជ្រាវក្នុងទីក្រុងហូជីមិញ រកឃើញថា មានឆ្លងជំងឺផ្តាសាយបក្សី H5N1 ។
មន្ត្រីបន្តថា នាងប្រហែលជាទទួលទានសាច់មាន់ដែលមានកើតជំងឺ ហើយបក្សីក្នុងផ្ទះអ្នកជិតខាងនាងងាប់ដោយសារជំងឺផ្តាសាយបក្សី។ តែក៏គ្មានអ្នកណាម្នាក់ក្នុងតំបន់នោះត្រូវបានគេរាយការណ៍ពីបញ្ហាសុខភាពអ្វីផ្សេងទៀត ។ កាលពីខែមុន បុរសអាយុ១៨ឆ្នាំម្នាក់ នៅខេត្តភាគខាងត្បូងប្រទេសវៀតណាមបានស្លាប់ដោយសារជំងឺផ្តាសាយបក្សី ៕
ចែករំលែកព័តមាននេះ