ដោយមានកម្ពស់56សង្ទីម៉ែត្រ និងត្រៀមវាស់ដោយសៀវភៅកំណត់ត្រាប្រវត្តិសាស្ត្រទីភ្នាក់ងារព័ត៌មាន AFP ផ្សាយថា អ្នកជំនាញពី «គីនណេស វើល រ៉េខត» (Quinness World Records) ត្រៀមធ្វើដំណើរទៅជ្រលងភ្នំ ភាគខាងលិចឆៀងខាងត្បូងប្រទេសនេប៉ាល់ ដើម្បីវាស់កម្ពស់បុរសអាយុ៧២ឆ្នាំ ដែលមានអំណះអំណាងថា ខ្លួនជាបុគ្គលទាបបំផុតនៅក្នុងលោក ។ លោកចាន់ត្រា បាហាឌូ ឌុនគី បានផ្តល់បទសម្ភាសន៍តាមរយៈស្ថានីយទូរទស្សន៍នេប៉ាល់ថា ខ្លួនមានកម្ពស់ត្រឹមតែ៥៦សង្ទីម៉ែត្រ និងមានទម្ងន់១២គីឡូក្រាម ។
លោកហ្គ្រេក គ្លេនដេ អ្នកដឹកនាំនៃសៀវភៅគីនណេស វើល រ៉េខត បានបង្ហាញតាមរយៈអីុម៉េលថា «យើងនឹងទៅជួបលោកឌុនគី ដើម្បីវាស់កម្ពស់ជាផ្លូវការ រួមទាំងអញ្ជើញអ្នកជំនាញផ្នែកពេទ្យជួយត្រួតពិនិត្យផងដែរ» ។ កាលពីថ្ងៃទី១ កុម្ភៈ ស្ថានីយទូរទស្សន៍របស់នេប៉ាល់បានផ្សព្វផ្សាយរូបភាពរបស់លោកឌុនគី ខណៈពេលកំពុងលោតពីលើសេះអង្គុយក្នុងសួនឧទ្យានសាធារណៈមួយ និងដើរឱ្យអ្នកសារព័ត៌មានមើល ។ ទីភ្នាក់ងារព័ត៌មានក្នុងស្រុកផ្សាយដោយយោងតាមការគូសបញ្ជាក់ពីសាច់ញាតិថា លោកឌុនគី មានសុខភាពល្អ និងមិនធ្លាប់ទទួលទានឱសថ ឬទៅមន្ទីរពេទ្យទេ ។
លោកគ្លេនដេ ដែលនឹងធ្វើដំណើរទៅតំបន់ដាង (Dang) ជាប់ព្រំប្រទល់ប្រទេសឥណ្ឌា ដើម្បីពិនិត្យកម្ពស់របស់បុរសនេប៉ាល់នោះនិយាយថា «យើងនៅមិនទាន់បញ្ជាក់កម្ពស់របស់លោកឌុនគីបានទេ ដរាបណាបានវាស់កម្ពស់ និងពិនិត្យប្រាកដប្រជាដោយមន្ត្រីជំនាញរួចហើយ ទើបអាចបញ្ជាក់បាន ។ រំពឹងថា ការងារនេះនឹងបញ្ចប់ក្នុងរយៈពេលប៉ុន្មានសបា្តហ៍ខាងមុខ» ។
ម្ចាស់ឯតទគ្គកម្មបុគ្គលមាឌតូចបំផុតនៅលើពិភពលោកនាពេលបច្ចុប្បន្ន គឺលោកជុនរ៉េ បាឡាវីង ជនជាតិហ្វ៊ីលីពីន មានកម្ពស់៥៩,៩៣សង្ទីម៉ែត្រ ដោយមុននេះ គឺកាលពីឆ្នាំ២០១០អ្នកគ្រប់គ្រងឯតទគ្គកម្មពិភពលោក គឺលោកកាថេនត្រា ថាប៉ា ម៉ាហ្គា ជនជាតិនេប៉ាល់ដោយមានកម្ពស់៦៧សង្ទីម៉ែត្រ៕
ចែករំលែកព័តមាននេះ