រាជធានីភ្នំពេញ ៖ លោកតាជនជាតិជប៉ុនម្នាក់អាយុ៨៣ឆ្នាំបានស្លាប់បាត់បង់ជីវិតដោយធ្លាក់ពីលើគ្រែក្នុងបន្ទប់មួយ ស្ថិតក្នុងឃ្លាំងដែករបស់ក្រុមហ៊ុន (SOR) ក្នុងភូមិទឹកថ្លា សង្កាត់ទឹកថ្លា ខណ្ឌសែនសុខ។
យោងតាមសម្តីរបស់សមត្ថកិច្ចបានប្រាប់ឱ្យដឹងថា នៅវេលាម៉ោង៧ព្រឹកថ្ងៃទី៣ កុម្ភៈ ២០១២ មានករណីជនជាតិជប៉ុនម្នាក់បានធ្លាក់ពីលើគ្រែស្លាប់ដោយពុំទាន់ដឹងមូលហេតុ ។ ប្រភពបន្តថា លោកតាជនជាតិជប៉ុននោះឈ្មោះសាបាមេគីជី អាយុ៨៣ឆ្នាំ ស្នាក់នៅក្នុងបន្ទប់មួយក្នុងឃ្លាំងដែកខាងលើ។ ការស្លាប់របស់លោកតាជនជាតិជប៉ុននេះ មិនទាន់ដឹងថា ស្លាប់នៅវេលាម៉ោងប៉ុន្មានទេ គ្រាន់តែដឹងថា នៅវេលាព្រឹកខាងលើមាននារីម្នាក់ជាចុងភៅប្រចាំឃ្លាំងដែករបស់ក្រុមហ៊ុន (SOR) នោះបានយកបាយសម្លទៅឱ្យលោកតានោះហូប ស្រាប់តែប្រទះឃើញលោកតាជនជាតិជប៉ុននោះដេកស្លាប់នៅក្បែរគ្រែដោយលក្ខណៈដូចជាធ្លាក់ពីលើកគ្រែ។
ប៉ុន្តែជំហានដំបូងសមត្ថកិច្ចបានសន្និដ្ឋានថា លោកតាជនជាតិជប៉ុននេះប្រហែលស្លាប់ដោយជំងឺចាស់ ឬធ្លាក់ពីលើគ្រែស្លាប់៕
ចែករំលែកព័តមាននេះ