ទីភ្នាក់ងារព័ត៌មានបរទេសផ្សាយឱ្យដឹងថា ក្រសួងសុខាភិបាលអាហ្វ្រិកខាងត្បូងបានប្រកាសប្រមូលស្រោមអនាម័យជាង១,៣៥លានស្រោម ដែលបានចែកជូនដល់ប្រជាជននៅក្នុងឱកាសបុណ្យគម្រប់ខួប១០០ឆ្នាំ នៃការបង្កើតសភាអាហ្វ្រិក ។ មូលហេតុនៃការប្រកាសប្រមូលកើតឡើងក្រោយពីប្រទះឃើញថា ស្រោមអនាម័យទាំងនោះផលិតមិនត្រូវតាមបទដ្ឋាន ព្រោះរមែងធ្លាយក្នុងអំឡុងពេលប្រើ រួមទាំងប្រទះឃើញថា ស្រោមអនាម័យជាច្រើនមានស្នាមធ្លាយ ។
ទោះជាបែបណាក៏ដោយ អាជ្ញាធរមិនបានបង្ហើបឱ្យដឹងពីការប្រមូលស្រោមអនាម័យបានចំនួនប៉ុន្មានទេ ខណៈពេលអត្រាអ្នកឆ្លងមេរោគអេដស៍នៅអាហ្វ្រិកខាងត្បូងស្ថិតក្នុងកម្រិតខ្ពស់នៅលើពិភពលោក ៕
ចែករំលែកព័តមាននេះ