ចាត់ទុកថាជាយុទ្ធសាស្ត្រថ្មីមួយក្នុងការដោះស្រាយបញ្ហាទារកទើបកើតត្រូវយកទៅប្លុងចោលនៅក្បែរធុងសំរាម ដោយសារឪពុកម្តាយគ្មានលទ្ធភាពគ្រប់គ្រាន់ក្នុងការចិញ្ចឹមកូនរបស់ខ្លួន ។ នៅតាមបណ្តាទីក្រុងជាច្រើននៅរុស្ស៊ីចាប់ផ្តើមអនុវត្តវិធីសាស្ត្រថ្មីដោយប្រើ «ទូទារក» (babybox) ដើម្បីឱ្យទារកទាំងនោះមានសុវត្ថិភាព ទោះបីជាគ្មានមនុស្សថែទាំក៏ដោយ ។
បញ្ហាជីវភាពជាកត្តាមួយបង្ខំឱ្យឪពុក-ម្តាយមួយចំនួនបោះបង់កូនចោលតាមធុងសំរាម និងនៅខាងមុខផ្ទះគេ ដោយសារខ្លួនគ្មានលទ្ធភាពចិញ្ចឹម ។ បញ្ហាខាងលើបានតម្រូវឱ្យមណ្ឌលសុខភាពនៅតាមមូលដ្ឋានរបស់រុស្ស៊ី ចាប់ផ្តើមដំណើរការយុទ្ធសាស្ត្រថ្មី គឺដាក់ពង្រាយទូទទួលទារកទើបកើត ឬ«ទូចោលទារក» នៅតាមទីសាធារណៈ ។ ក្នុងរយៈពេលត្រឹមតែមួយខែ ក្រោយពីមានការដាក់ពង្រាយទូនោះ គឺមានទារិកាម្នាក់ត្រូវបានគេប្រទះឃើញនៅក្នុងទូនោះ។ ទារិកានោះត្រូវបានបញ្ជូនទៅមជ្ឈមណ្ឌលកុមារកំព្រា និងមានជំនឿថា នឹងមានសប្បុរសជនមកទទួលយកទៅចិញ្ចឹមបន្ត ព្រោះទារិកានោះមានសុខភាពល្អ៕
ចែករំលែកព័តមាននេះ