ក្នុងទិដ្ឋភាពដែលបង្ហាញនៅទីនេះ ជារូបភាពរបស់ទីភ្នាក់ងារព័ត៌មានបរទេសកាលពីថ្ងៃទី១ កុម្ភៈ ដែលបង្ហាញឱ្យឃើញកំលោះ-ក្រមុំ មួយគូជាសមាជិករបស់ជនអំបូរ «ម៉ាស្គូ-ពីរ៉ូ» កំពុងសម្រាកលំហែកាយក្នុងឧទ្យានជាតិម៉ានូ ភាគខាងកើតឆៀងខាងត្បូងប្រទេសប៉េរូ ។ ក្នុងរបាយការណ៍បញ្ជាក់ថា ជនអំបូរភាគតិចនេះជាផ្នែកមួយនៃជនជាតិភាគតិចដែលមិនធ្លាប់មានទំនាក់ទំនងជាមួយពិភពខាងក្រៅកាលពីមុន ហើយការរស់នៅរបស់ពួកគេកំពុងទទួលរងការគំរាមកំហែងពីការកាប់បំផ្លាញព្រៃឈើខុសច្បាប់ រួមទាំាងគម្រោងការនៃការដាក់បំពង់បង្ហូរប្រេងនៅតំបន់អាម៉ាហ្សូនផងដែរ ។
ទោះបីជាយ៉ាងណាក៏ដោយ អ្នកជំនាញបានគូសបញ្ជាក់ថា ការទាក់ទងជាមួយជនអំបូរនេះ ចាត់ទុកថា ជារឿងគ្រោះថ្នាក់ ព្រោះពួកគេចាត់ទុកមនុស្សនៅក្រៅតំបន់ជាសត្រូវនិងប្រើធ្នូបាញ់ដាក់អ្នកដែលពួកគេគិតថា ឈ្លានពានដោយមិនរើសមុខ ៕
ចែករំលែកព័តមាននេះ