រាជធានីភ្នំពេញ ៖ សន្តិសុខឯកជនក្រុមហ៊ុន CSN ម្នាក់យាមនៅឃ្លាំងអង្ករក្រុមហ៊ុនសំរឹទ្ធិ បានរងរបួសយ៉ាងធ្ងន់ ដោយសារតែចោរមួយក្រុមធ្វើសកម្មភាពវាយនឹងដំបងឈើជ្រុង ខណៈដែលជនរងគ្រោះរូបនោះដើរទៅទាន់ក្រុមចោរកំពុងធ្វើសកម្មភាពឡើងរបងចូលលួចកម្ទេចដែកនៅក្នុងរោងចក្រនោះ ។ ហេតុការណ៍នេះបានកើតឡើងកាលពីវេលាម៉ោង១១និង៣០នាទីយប់ថ្ងៃទី៣១ មករា ២០១២ នៅចំណុចឃ្លាំងអង្ករក្រុមហ៊ុនសំរឹទ្ធិ ដែលមានទីតាំងស្ថិតនៅភូមិត្រពាំាងពោធិ៍ សង្កាត់គោករកា ខណ្ឌពោធិ៍សែនជ័យ។
ជនរងគ្រោះឈ្មោះហ៊ាន សុធា អាយុ២៨ឆ្នាំ ជាសន្តិសុខក្រុមហ៊ុន CSN មានទីលំនៅភូមិស្វាយចេក សង្កាត់គោករកា ខណ្ឌពោធិ៍សែនជ័យ រងរបួសបែកក្បាល រយះ.ក ថ្ពាល់ សៀតផ្កា និងខ្លួនប្រាណដេរអស់ជាង៦០ថ្នេរ ។ ដោយឡែកក្រុមចោរមានគ្នា៤នាក់ ក្នុងនោះម្នាក់ត្រូវបានសមត្ថកិច្ចចាប់ខ្លួនឈ្មោះលីន ទូច អាយុ១៨ឆ្នាំ ជាកម្មករស្នាក់នៅភូមិកើតហេតុខាងលើ និង៣នាក់ទៀតរត់គេចខ្លួនបាត់ ប៉ុន្តែត្រូវបានប៉ូលិសស្គាល់អត្តសញ្ញាណអស់ហើយ ៕
ចែករំលែកព័តមាននេះ