យោងទៅតាមប្រភពព័ត៌មានពីគេហទំព័រ តារាហូលីវូដចេញផ្សាយកាលពីថ្ងៃពុធ ទី១ កុម្ភៈឆ្នាំ២០១២ បានឱ្យដឹងថា តារាសម្តែងជេន្នីហ្វើឡូប៉ែសបានសារភាពថា៖ ធ្វើការងារជាមួយអតីតប្តីរបស់ខ្ញុំ Marc Anthony ក្នុងកម្មវិធីទូរទស្សន៍ «Q Viva! The Chosen» គឺសប្បាយខ្លាំងណាស់ ពោលគឺយើងនៅតែជាមិត្តភក្តិដ៏ល្អជាមួយគ្នា បើទោះជាយើងបានលែងលះគ្នាទៅ ហើយក្តី ។ នាងបានបន្តទៀតថា ៖ វាសប្បាយខ្លាំងណាស់ នៅពេលសហការធ្វើកម្មវិធីរួមគ្នាពីព្រោះយើងទាំងពីរនាក់បានស្គាល់ចិត្តថ្លើមគ្នាអស់រយៈពេលជាយូរមកហើយមុនពេលរៀបការ ។
រវាងខ្ញុំហើយនិងគាត់ វាគឺជាស្នេហាពិតប្រាកដមួយយើងមានកូនជាមួយគ្នា និងមានការយល់ចិត្តគ្នាទាំងជីវិតឯកជន និងការងារនិយាយរួមទៅគាត់នៅតែជាផ្នែកមួយនៃជីវិតរបស់ខ្ញុំដដែល ។ ទាក់ទងទៅនឹងការស្វែងរកម្ចាស់បេះដូងសាជាថ្មីនោះ តារាចម្រៀងវ័យ៤២ឆ្នាំបាននិយាយថា ខ្ញុំមិនទាន់ច្បាស់នៅឡើយទេ ចំពោះការរៀបការលើកទី៤ពីព្រោះវាមិនទាន់ដល់ពេលវេលាមួយដែលខ្ញុំត្រូវគិតគូរពីបញ្ហានេះនៅឡើយទេ ក៏ប៉ុន្តែបេះដូងរបស់ខ្ញុំនៅតែបើកទ្វារទទួលអ្នកទី៤ ប្រសិនបើបុរសនោះមានលក្ខណៈសម្បត្តិសមរម្យ ។
គួររំលឹកដែរថា ជេន្នីហ្វើ ឡូប៉ែស ធ្លាប់បានរៀបការបីដងរួចហើយ ។ ប្តីចុងក្រោយរបស់នាងគឺតារាចម្រៀងប៉ុប Marc Anthony ក៏ប៉ុន្តែពួកគេបានលែងលះគ្នាកាលពីឆ្នាំទៅមិញ បន្ទាប់ពីរៀបការបានរយៈត្រឹមតែ៧ខែ ៕
ចែករំលែកព័តមាននេះ