គិតមកដល់ឆ្នាំ២០១២ នេះតារាចម្រៀងស៊ុនដាំប៊ី មានវ័យ២៨ឆ្នាំទៅហើយ ។ ការឈានចូលមកដល់វ័យនេះ ធ្វើឱ្យរូបនាងកំពុងតែគិតគូរពីការកសាងអនាគតគ្រួសារមួយប្រកបទៅដោយសុភមង្គល ។ ជាមួយគ្នានេះ កាលពីថ្ងៃចន្ទ ទី៣០ មករា ឆ្នាំ២០១២ នៅលើគេហទំព័រ Tweeter នាងបានសារភាពថា បច្ចុប្បន្ននេះ ខ្ញុំកំពុងមានអារម្មណ៍កណ្តោចកណ្តែងឯកោណាស់ ហើយចង់ស្វែងរកម្ចាស់បេះដូងពិតប្រាកដម្នាក់ដើម្បីកំដរជីវិត ។
នៅលើគេហទំព័រ Tweeter របស់នាងបានសរសេររៀបរាប់ថា៖ ខ្ញុំមិនដឹងថា ហេតុអ្វីបានជាពេលវេលាកន្លងទៅឆាប់ម្ល៉េះក្នុងសបា្តហ៍នេះ ខ្ញុំមានអារម្មណ៍ឯកោណាស់ និយាយឱ្យចំទៅ ខ្ញុំចង់បានមិត្តប្រុសម្នាក់ ដើម្បីជួយកែច្នៃជីវិតរបស់ខ្ញុំឱ្យបានល្អផូរផង់ ។ ទាក់ទងទៅនឹងការប្រកាសស្វែងរកមិត្តប្រុសតាមគេហទំព័របែបនេះ គេហទំព័រ Netizens បានផ្តល់យោបល់ថា៖ មានបុរសជាច្រើនកំពុងតម្រង់ជួររង់ចាំអ្នក ឱ្យតែអ្នកបើកទ្វារបេះដូង ក៏ប៉ុន្តែវាអាស្រ័យទៅលើរូបអ្នកផ្ទាល់ថា តើមនុស្សប្រុសប្រភេទណាដែលអ្នកចង់បានធ្វើជាគូគាប់នោះ?
ចែករំលែកព័តមាននេះ