ខេត្តស្វាយរៀង ៖ នាងក្រមុំ២នាក់ត្រូវគេសង្ស័យថា បានលួចរថយន្តម៉ាកកូរ៉ូឡាមួយគ្រឿងពណ៌ទឹកប្រាក់ ស៊េរី៩៧ ពីច្រកទ្វារអន្តរជាតិព្រៃវល្ល័ «ក្នុងកាសីុណូមួយនៅព្រៃវល្ល័» បើកមកកាន់ក្រុងស្វាយរៀង ហើយត្រូវម្ចាស់រថយន្តបើកដេញប្រកិតពីក្រោយចូលម្តុំខាងក្រោយកីឡាដ្ឋានខេត្តស្វាយរៀង ធ្វើឱ្យមានការភ្ញាក់ផ្អើលយ៉ាងខ្លាំងកាលពីថ្ងៃទី២៩ មករា ២០១២ វេលាម៉ោង៩ព្រឹកនៅចំណុចខាងលិចកីឡាដ្ឋានខេត្ត ស្ថិតក្នុងភូមិវាលយន្ត ក្រុងស្វាយរៀង ។
បើតាមម្ចាស់រថយន្តបានប្រាប់សមត្ថកិច្ចឱ្យដឹងថា រថយន្តដែលចោរលួចនោះម៉ាកកូរ៉ូឡា ពណ៌ទឹកប្រាក់ ស៊េរី៩៧ ត្រូវបានចោរលួចចេញពីកាសីុណូច្រកទ្វារអន្តរជាតិបាវិតកាលពីខែកញ្ញា ២០១១ ហើយទើបប្រទះឃើញកាលពីវេលាម៉ោង៧និង៣០នាទីថ្ងៃខាងលើ ទើបពួកគេបើករថយន្តដេញតាមពីក្រោយ ស្រាប់តែមកបាត់នៅម្តុំភូមិមេភ្លើង ខណៈនោះសមត្ថកិច្ចក្រុងស្វាយរៀងសហការជាមួយប៉ូលិសព្រហ្មទណ្ឌកម្រិតធ្ងន់ខេត្តបានចេញប្រតិបត្តិការតាមប្រមាញ់រហូតដល់ម៉ោងប្រមាណ៩និង៣០នាទីព្រឹកក៏ជួបប្រទះជនសង្ស័យ២នាក់ជាស្រីក្រមុំដែលម្ចាស់រថយន្តចោទថា ជាជនសង្ស័យកំពុងដើរនៅលើផ្លូវជាតិលេខ១៣ ស្ថិតក្នុងភូមិបាក់រនាស់ សង្កាត់សង្ឃ័រ ក្រុងស្វាយរៀង ។
ភ្លាមៗនោះនាងក្រមុំទាំង២នាក់ត្រូវសមត្ថកិច្ចឃាត់ខ្លួននាំមកសាកសួរផងដែរ៕
ចែករំលែកព័តមាននេះ