ធនាគារ SBC ផ្តល់នូវប្រព័ន្ធធនាគារតាមរយៈទូរស័ព្ទដៃទំនើបទាំងបីប្រភេទគឺ Android, Apple IOS និង Blackberry។ នេះគឺជាប្រព័ន្ធធនាគារតាមរយៈទូរសព្ទដៃដំបូងបំផុតនៅកម្ពុជាតាមរយៈទូរស័ព្ទដៃដ៏ទំនើបបំផុតទាំងបីប្រភេទក្នុងពេលជាមួយគ្នា។
ជាមួយនឹងការរីកចំរើនឥតឈប់ឈរនៃប្រភេទទូរស័ព្ទដៃទំនើបៗក្នុងប្រទេសកម្ពុជា ស្របនឹងចំណេះដឹងខាងបច្ចេកវិទ្យារបស់អតិថិជន ធនាគារ SBC បានផ្តល់នូវប្រព័ន្ធធនាគារដ៏ទំនើបបំផុតនេះ ដើម្បីឆ្លើយតបទៅនឹងតម្រូវការរបស់អតិថិជនដើម្បីប្រើប្រាស់ប្រព័ន្ធធនាគារតាមរយៈទូរស័ព្ទដៃ ដូចអ្វីដែលពួកគាត់ចង់បានធនាគារដែលនៅតាមខ្លួនរបស់គាត់ជាប់ជានិច្ច គ្រប់ទីកន្លែង និងគ្រប់ពេលវេលា។ ជាមួយប្រព័ន្ធធនាគារនេះអតិថិជនអាចស្វែងរកព័ត៌មាន ការគ្រប់គ្រង និងតាមដានប្រព័ន្ធហិរញ្ញវត្ថុតាមរយៈទូរស័ព្ទ។ ជាមួយប្រព័ន្ធធនាគារតាមទូរស័ព្ទនេះធនាគារ SBC អាចផ្តល់នូវសេវាកម្មងាយស្រួលកាន់តែច្រើនឡើងដូចជា Alert, Interactive Enquiries and Payment, ដែលសម្រួលដល់អតិថិជនដល់ប្រើប្រាស់ប្រព័ន្ធធនាគារតាមរយៈទូ័រសព្ទដៃដែលមានសុវត្ថិភាពគ្រប់ពេលវេលានិងគ្រប់វិធីដែលអតិថិជនជ្រើសរើស។
លោក Andy kun, អគ្គនាយក និងជានាយកប្រតិបត្តិរបស់ធនាគារ SBC បានមានប្រសាសន៍ថា យើងមានក្តីរំភើបណាស់ដែលយើងអាចផ្តល់អត្ថប្រយោជន៍នានារបស់ប្រព័ន្ធធនាគារតាមទូរស័ព្ទដល់អតិថិជនរួមមានការគ្រប់គ្រងថវិកាប្រចាំថ្ងៃដែលអាចធ្វើឱ្យពួកគាត់មានការស្ងប់ចិត្ត។ ជាមួយនឹងភាពរវៀស និងសុវត្ថិភាពខ្ពស់របស់ប្រព័ន្ធធនាគារតាមទូរស័ព្ទរបស់ធនាគារ SBC យើងអាចដាក់ធនាគារ SBC នៅក្នុងហោប៉ៅរបស់អតិថិជន។ យើងជឿជាក់យ៉ាងមុតមាំថា ការប្រើប្រាស់ទូរស័ព្ទអាចជួយសម្រួលដល់ជិវិតប្រចាំថ្ងៃដូចជាការទៅដល់ធនាគារពិតៗដែលនេះកាន់តែងាយស្រួល និងមានប្រជាប្រិយភាពពីមួយថ្ងៃទៅមួយថ្ងៃ។
ប្រព័ន្ធធនាគារតាមទូរស័ព្ទដៃថ្មីនេះមិនត្រឹមតែអាចអនុញ្ញាតឱ្យអតិថិជនចូលប្រើប្រាស់ (Log on) គណនីរបស់ពួកគាត់ និងធ្វើប្រតិបត្តិការផេ្សងៗជាមួយទូរស័ព្ទ Android Smart Phone, Android Tablets, Blackberry phone, Blackberry Playbook, Iphone or Ipad ប៉ុណ្ណោះទេ ប៉ុន្តែអតិថិជនអាចទាញយក (Download) កម្មវិធីជំនួយផ្សេងៗដើម្បីស្វែងរកធនាគារ SBC និងទូ ATM ដែលនៅជិតពួកគាត់បំផុតតាមរយៈសេវាកម្មចង្អុលបង្ហាញទីតាំង GPS ដែលមាននៅក្នុងទូរស័ព្ទទំនើបទាំងនោះ។
សេវាកម្មរបស់ធនាគារ SBC តាមទូរស័ព្ទដៃអាចឱ្យអតិថិជនប្រើប្រាស់នូវគ្រប់ប្រតិបត្តិការទាំងអស់ក្នុងគរណីរបស់ពួកគាត់ដូចជាការបង់ប្រាក់តាមរយៈកាតឥណទាន បង់វិក្កយបត្រផ្សេងៗ ការបញ្ចូលទឹកប្រាក់ក្នុងទូរស័ព្ទ រៀបចំគម្រោងពេលវេលា និងការគ្រប់គ្រង ការចំណាយ ការផ្ទេរមូលនិធិផ្សេងៗចំពោះគរណី SBC ដូចគ្នា និងស្ថាប័នហិរិញ្ញវត្ថុផេ្សងៗក្នុងស្រុក។
ដើម្បីជ្រាបច្បាស់អំពីព័ត៌មានបន្ថែមអតិជនអាចចូលមើលក្នុងគេហទំព័រ sbc-bank.com/mBanking អំពីធនាគារ SBC។ ធនាគារ SBC បានរីកចំរើន និងបានក្លាយជាផ្នែកមួយក្នុងប្រទេសកម្ពុជា ដែលបានបម្រើអតិថិជនជាលក្ខណៈអាជីវកម្មនិងឯកជន។ ចាប់តាំងពីដំណើរការដំបូងក្នុងឆ្នាំ១៩៩៣ យើងបានរីកចំរើនជាដរាបហើយបានក្លាយជាស្ថាប័នធនាគារដែលរស់រវើកបំផុតមួយលើប្រព័ន្ធធនាគាក្នុងប្រទេសកម្ពុជាដែលរួមមានទាំងចំនួនអតិជន និងសេវាកម្មផ្សេងៗ។ សព្វថ្ងៃនេះយើងបានឈរជើងយ៉ាងរឹងមាំក្នុងប្រទេសកម្ពុជាអាស្រ័យដោយការគាំទ្រពីអតិថិជនដែលជាកម្លាំងចលករជំរុញសំខាន់បំផុតរបស់យើង។
ធនាគារ SBC គឺជាសមាជិកធនាគារដំបូងបំផុតរបស់ Visacard ក្នុងតំបន់អាស៊ីអាគ្នេយ៍ដែលបានសម្រេចនូវ Full EMV chip card insurance និងទទួលបានឋានៈក្នុងឆ្នាំ២០០៣ និងក៏ជាស្ថាប័នហិរញ្ញវត្ថុដំបូងបំផុតក្នុងតំបន់អាស៊ីប៉ាស៊ីហ្វិកដែលទទួលបាននិងប្រើប្រាស់ EMV security Standard ដែលប្រើប្រាស់ Diebold Opteva ATM ដើម្បីការពារអតិថិជនរបស់ខ្លួនពីបញ្ហាសក្កានុពលនានាទាក់ទងនឹងការប្រើប្រាស់ATM។
សម្រាប់ព័ត៌មានបន្ថែមសូមមើលគេហទំព័រ sbc-bank.com ទំនាក់ទំនង៖ TekSophal SBC Bank Phone: 855 23 88 55 00 Email:sophal@sbc-bank.com៕
ចែករំលែកព័តមាននេះ