រាជធានីភ្នំពេញ ៖ ក្រុមហ៊ុនហុងដា អិន ស៊ី អិច ជាក្រុមហ៊ុនមួយដែលនាំចូលផ្តាច់មុខនូវផលិតផលម៉ូតូម៉ាកហុងដា ដែលកំពុងតែមានការពេញនិយមពីសំណាក់អតិថិជនអ្នកប្រើប្រាស់ ។
ដើម្បីឆ្លើយតបទៅនឹងសេចក្តីត្រូវការ និងជាការលើកទឹកចិត្តដល់អតិថិជនទាំងអស់នោះក្រុមហ៊ុនមិនត្រឹមតែរិះរកនូវអ្វីដែលជាភាពទាន់សម័យថ្មី ហើយប្លែកប៉ុណ្ណោះទេ ថែមទាំងធ្វើការពង្រឹង និងពង្រីកបន្ថែមទៀតនូវគុណភាពផលិតផល ក៏ដូចជាសេវាកម្មរបស់ខ្លួនផងដែរ។ ក្រុមហ៊ុនបានធ្វើការបណ្តុះបណ្តាលនូវយន្តការីរបស់ខ្លួនទូទាំងប្រទេសឱ្យមានជំនាញច្បាស់លាស់ ដើម្បីបម្រើសេវាកម្មជូនអតិថិជនប្រកបដោយសុវត្ថិភាព និងគុណភាពឱ្យសមទៅនឹងការជឿជាក់ពីសំណាក់អតិថិជនអ្នកប្រើប្រាស់ ។
ជាក់ស្តែងកាលពីថ្ងៃទី២៨ មករា ឆ្នាំ២០១២ នៅក្រុមហ៊ុនហុងដា អិន ស៊ី អិច មានរៀបចំនូវកម្មវិធីប្រឡងយន្តការី Mechanic Skill contest, ទូទាំងប្រទេសរបស់ខ្លួន ដើម្បីធ្វើការជ្រើសរើសយកនូវយន្តការីដែលពូកែ និងទទួលបាននូវពានរង្វាន់មេដាយមាស, ប្រាក់, សំរឹទ្ធិ និងរង្វាន់ផ្សេងៗទៀត ពីក្រុមហ៊ុនហុងដា អិន ស៊ី អិច ផងដែរ ។ កម្មវិធីនេះរៀបចំឡើងក្រោមអធិបតីភាពរបស់លោកបណ្ឌិត ខាន់ឆៃ គៀស្រ៊ីថាណាកន ជាប្រធានក្រុមហ៊ុន អិន ស៊ី អិច និងមានការចូលរួមដោយបុគ្គលិកក្រុមហ៊ុនហុងដា អិន ស៊ី អិច ព្រមទាំងប្រធានសាខារបស់ហុងដា ទូទាំងប្រទេសផងដែរ ។ ការរៀបចំនូវកម្មវិធីនេះឡើងក្នុងគោលបំណងសំខាន់ៗ៤យ៉ាងគឺ ៖ ពង្រីកកេរ្តិ៍ឈ្មោះរបស់ហុងដា បង្កើនជំនឿ និងទំនុកចិត្តលើសេវាកម្មរបស់ហុងដា លើកទឹកចិត្តដល់យន្តការីនៅតាមសាខាទាំងអស់ ។ ជាពិសេសគឺពង្រីកនូវប្រតិបត្តិការផ្នែកសេវាកម្មឱ្យរឹតតែរឹងមាំថែមទៀត ព្រោះថា ប្រតិបត្តិការសេវាកម្ម គឺជាកត្តាដ៏សំខាន់បំផុតក្នុងការរក្សា និងបង្កើនការទំនាក់ទំនងយូរអង្វែងរវាងអតិថិជនជាមួយនឹងសាខារបស់យើងផងដែរ ។
-យន្តការីដែលទទួលបានជ័យលាភីលេខ១ និងជាយន្តការីដែលពូកែទូទាំងប្រទេសនោះត្រូវបានទៅលើយន្តការីឈ្មោះអ៊ុម គមជ្រឿន មកពីហាងលក់ម៉ូតូហុងដា ឈឹម នាង រាជធានីភ្នំពេញ។
-លេខ២ ត្រូវបានទៅលើយន្តការីឈ្មោះកែវ តុលា មកពីហាងលក់ម៉ូតូហុងដា ខូយ វ៉េត ខេត្តពោធិ៍សាត់ ។
-លេខ៣ ត្រូវបានទៅលើយន្តការីឈ្មោះវ៉ាន់ វុត្ថា មកពីហាងលក់ម៉ូតូហុងដា ហេង ចន្ថា ខេត្តប៉ៃលិន ។
ក្រុមហ៊ុនហុងដា អិន ស៊ី អិច មានសេចក្តីសោមនស្សរីករាយ និងមានការកោតសរសើរយ៉ាងខ្លាំងចំពោះការខិតខំប្រឹងប្រែងយកចិត្តទុកដាក់របស់យន្តការីក៏ដូចជាគ្រូបច្ចេកទេស ព្រមទាំងហាងលក់ម៉ូតូហុងដាទាំងអស់ផងដែរ ដែលបានចូលរួមសហការ ។ នាពេលខាងមុខនេះ អិន ស៊ី អិច នឹងព្យាយាមបណ្តុះបណ្តាល និងពង្រឹងនូវយន្តការីបន្ថែមទៀត ដើម្បីធ្វើការប្រកួតប្រជែងជាមួយដៃគូអន្តរជាតិ និងជាការឆ្លើយតបទៅនឹងសេចក្តីត្រូវការរបស់អតិថិជនផងដែរ៕
ចែករំលែកព័តមាននេះ